وجهة نظر. دينا نسريني : ان كنت ناسي .. افكرك

ان كنت ناسي .. افكرك .. افكرك بايه و الا ايه و الا ايه بس …
فاكر .. فاكر لما قولتلك امن الدولة موجود كما هو .. امن الدولة لسا شغال بس غيروا اسمه ؟
اهوه يا سيدي اديك شوفت في عينك الخطف و الضرب و التعدي اللي وصل حتى لاعضاء مجلس الشعب و المسرحيات اللي اتعملت عشان تغطي عليه بعد كده ..
بلاش دي .. فاكر .. لما قولتلك ما تقبلش بالتعديلات الدستورية .. كده الموضوع هيطول و يبقى فيه شد و جذب ؟ .. اتفضل يا سيدي فوق السنة مرت و احنا كل مدى لورا
بلااش دي .. فاكر لما قولتلك ما ينفعش نسكت على المحاكمات العسكرية دي .. طلعوا رجالة المجلس و قالوا لا أنا مش هحاكم المدنيين عسكريا .. و آدي احنا بنشحت النشطاء شحاتة من قدام المحاكم كل يوم عشان يخرجوا بعد ما ضاع مستقبلهم في الشغل و الدراسة ..
بلاش دي .. فاكر لما قولنلك الجنزوري ده راجل مبارك ما ينفعش .. آدي يا سيدي دلوقت الكل بقوا عاوزينه يمشي و ما حدش عارف يمشيه
بلاش دي .. فاكر أما قولنالك مجلس الشعب ده مش هيبقاله اي صلاحيات ؟ مش هيقدر يغير اي حاجة ؟ آدي يا سيدي المجلس قدر يعمل إيه ؟
أفكرك بالاستفتاء و لا مجلس الشورى و الا إيه و الا إيه و الا إيه ..
طب خد عندك بقى .. خليك كده نايم على ودانك .. و المرة دي برضه بقولك .. لو ما اتصرفتش . لو ما قولتش لأ .. لو ما داورتش على حقك و ثورتك ..
عمرو موسي هيفوز بالانتخابات .. و هيسحل الناس كلها و اي حد يستجرى بس يفتح بقه يتمسح من على وش الارض .. مراكز حقوق انسان مين يابا .. الحقوق كلها هتبقى لشخص واحد بس . هو اللي يوزع منها بمعرفته .. الثوار كلهم هيتحاكموا و الثورة هتتدبح قدام عينيك .. الراجل اللي قال على الشهدا بلطجية .. الراجل اللي هان عليه دم الشباب اللي زي الورد مش هيكون دمك اغلى عنده منهم …
و لو سكت النهاردة .. مش عارف لو هكون موجود بكرا افكرك … بس اكيد هيطلع غيري .. و يجي و يفكرك .

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: