روائع. هالة قنديل : ‎”احنا كده عايشين ؟؟ “

لما تبقى الأرض أرضنا
والبلد بلدنا
لكن فيها تايهين
يبقى احنا كده عايشين ؟
لما نبقى بايدنا زرعناها
وبايدنا حصدناها
وبنــــام جعـــــانين
يبقى احنا كده عايشين ؟
ــــــــــــــــــــــــــــــــــــــــــــــ
لما نفضل نتعلم 15 سنه
ويادى الهنا يادى الهنا
فى الآخر بنقعد عاطلين
يبقى احنا كده عايشين؟
لما خيرنــا يروح لغيرنـــــا
وفى الأخر يبقى مصيرنا
نكون احنا اللى مش لاقيين
يبقى احنا كده عايشين؟
ـــــــــــــــــــــــــــــــــــــــــــــ
لما نبقى مذلولين
فى شغلنا ومتبهدلين
علشان شوية ملاليم
يبقى احنا كده عايشين ؟
لما نبقى شايفين الويل
طول النهار والليل
ومن ضعفنا ساكتين
يبقى احنا كده عايشين ؟
ــــــــــــــــــــــــــــــــــــــــــــــ
لما حقوقنا ما نخدهاش
لما اللقمه ما نلاقيهاش
ومن كتر همومنا بقينا حاسين
ان احنا ميتين
يبقى احنا كده عايشين ؟
ــــــــــــــــــــــــــــــــــــــــــــــ
لما نبقى فى قلوبنا كاتمين
عذابنا وساكتين
حتى رأينا
اللى هوا ملكنا
بيبقى نفسنـا
نقوله وخــــــايفين
علشان لو قولناه
هنبقى من المسجونين
يبقى احنا كده عايشين ؟
ــــــــــــــــــــــــــــــــــــــــــــــــــــــ
ويوم ما بنضحك بنضحك على حالنا
وكتير بنبكى على اللى جرالنا
واللى لسه هيجرالنا
على الراحه اللى بعيد عن خيالنا
على اننا نعيش لحظه بجد
نكون فيهــــــــا راضيين
يبقى احنا كده عايشين؟
ـــــــــــــــــــــــــــــــــــــــــــــــــــــــــ
وبعد ما شفتم العذاب
اللى احنا عايشين فيه
نفسى اسمع منكم جواب
ترضوا ضمايركم بيه
بس قبل ما تجاوبوا
فكــــــــروا دقيقتين
احـــــــــنا كـــــــــــــــــــــده عايشين ؟؟؟؟؟؟؟؟؟؟

One response to “روائع. هالة قنديل : ‎”احنا كده عايشين ؟؟ “”

  1. الاسطورة says :

    6ابريل حركة مهمة في مصر يا ريت تضموني ليكم

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: