أمسيات. شيماء تامر : كوشه وعريس…. ومفيش عروسه

خيمة فرح منصوبة , ونور…. لمضة منورة وكام واحده مضلمه ومقلوبه
وناس كتيره معزومه,وورد وزينه,وطبل وزمر وخيل كتيرة مركوبه
وميت عريس , منهم واحد كان للمراكبية رئيس,وواحد سكران طينه,
وواحد مالوش غير فى التهييس,وواحد فى وسط الهيصه بيأدن
وواحد غلبان شغال منجد,وواحد بيحلق للحمير,وواحد واقف بعيد,
حاطط إيده على خده,شكله شايل هم تقيل,وواحد فيهم صبى عالمه,
وواحد دماغه من الحشيش وارمه,وواحد عاوز يتجوز..وهو لسه يا عينى
عيل,وواحد فى عشق فلوسها مغرم ومتنيل,وواحد حرامى قديم سيادته
جاى يتقندل,ياه شوف كام عريس..وكل عريس معاه ناسه,ماشين معاه
دا غير للباشا حراسه,وكل عريس يهلله كناسه,وناس تركعله وناس لإيده
وقدمه…بواسه,وصف حريم لابسين إسود وكأنه حداد,ولما سألت,
قالوا إبن العروسه أصله….مات,وناس عاليمه اللى قصادهم لابسين أبيض
وردوا عليهم وقالولهم….اللى مــــــــــات مــــــــــــات,وناس فى النص
واقفين بينهم,زى الهبل فى الزفه,وناس قعدين وناس واقفه,وناس غريبه
أشكالها عنهم مختلفه,……شكلهم كدا,قلة بين اهل البلد
….مندسه….وبين الهيصه والحزن والفرحه…قولت أشوف العروسه واعدل لها الطرحه…
ورحت هناك للكوشه…كانت فاضيه..لاطرحه عليها…ولا عروسه,….فسألت عليها عرسانها
,قالولى لسه فى حداداها,بتبكى الست على ولدها,فرحت أنا لباب بيتها,هربت من وسط عرسانها,دخلت عليها ست الكل المحروسه,لقيتها فى فستانها أم الدنيا محبوسه,ودم كتير على ايدها…وجثة ولدها قدامها …..واخداه هى فى احضانها, وفجأه لقيت عرسانها,هاجمين الكل على جسدها,وعريسها أبو حمل تقيل,واقف بردو بيتفرج,وأنا بينى وبين نفسى..بستغرب,وبسأل……مين فى العرسان دولا…هيحيها…ومين فيهم بروحه ودمه يفديها……….ومين ياربى هينقذها…ومين فيهم…….هيوأدها.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: