امسيات. شيماء تامر : كلام الثورة مدهــــون بزبـــــــده

“ياعينى عليك يا شعب…………وراك وراك الظلم والغلب.”…
دى كانت كلمات سمعتها من درويش يجول الشوارع ويمسك بصفيحه مليئه بالبخور,ودخل عليا وانا واقفه فى السوبر ماركت,فقلت له ” أنا مطلبتش يا حاج إنك تبخر,البخور بيخنقنى…” قاللى “معلش يا بنتى لازم ابخر عشان ريحة الظلم فايحه…هتدوخك وتدوخنى ..”..,وفضل يبخر ويبخر وطول ماهو بيبخر ظل يردد ” ياعينى عليك يا شعب…وراك وراك الظلم والغلب”.., وخلص الدرويش ورفض إنه يأخذ أى نقود منى ورد قاللى ” فلوس إيه ياست….مبقاش للدنيا طعم بعد مالزبده ساحت…والظلم فضل هو اللى بيحكمنى…”, وخرج الدرويش,فخرجت وراه وقلت له ” تعالى ياحاج,زبده إيه اللى ساحت , قاللى فاكره ياست لما صحينا فى يوم لقينا ثوره,وكان صوتها عالى وهز كل كراسى الدوله,وكلامها كان كله رفض للظلم والفساد والعوله,…” قولت له ” يـــــــــاه يا حاج, مش دى الثورة اللى ولدت شباب زى الورد,مش دى الثورة اللى قالت يسقط يسقط المستبد,..ياه يا حاج, دى وحشانى اوى بجد..” رد الدرويش قالى ” أيوا هى دى الثورة اللى فتح فى جنياينها الورد…ودى الثورة اللى زى ما قمنا لقيناها وعشناها بجد,طلعت مدهونه بزبده….وطلعت شمس الظلم سيحتها…وحرقت كل الورد..”….
فقولت له ” وإيه العمل يا حاج..”, قالى ” عاوزه العمل اللى يفيد بجد ؟”, قلت له ” آآآآه ” قالى ” قولى ورايا بصوت ماله حد…يــــــــسقط يســــــــــــقط حكــــــــــــــم العــــــــــــــــــسكر”…
فقولت وراه ” يسقط يسقط حكم العسكر”………….
قالى ” إوعى تتعبى أو مره تسكتى,خلى صوتك عالى عشان يسمعه الورد, وترجع لنا الثورة,وتصرخ وتقول من تانى… ولا تخاف من أى حد…يســــــقط يســــــــقط المســــــــــــــتبد…”

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: