بقلم. محمد صلاح : هرتلة

عمالين نسمع بقالنا فترة عن ان المحكمة العسكرية بتسدعي بعض النشطاء والاعلاميين من الثوار والناس خايفة وكل الصفحات الثورية قامت على حيلها وقالت لأ .. اللي بيحصل دا مهزلة .. بس دا علشان الناس ما تعرفش هما بيستدعوهم ليه في الحقيقة هما بيحاولوا ( يفسحوهم ) بس بالطريقة العسكرية

يعني بدل ما يركبوهم مرجيحة هيركبوهم مدرعة أو دبابة بي ام موديل زحلقة من تحت لفوق ازاي ؟ ما تسألنيش .. وكمان في ( حقيقة الامر ) زي ما بيقول واحد حبيبنا إن المجلس مفخرة الثورة لأنه هو اللي حماها أحب أقوله : سلامتها أم توفيق … من وجهة نظري المتواضعة إن لو المجلس هيبقى مفخرة الثورة فأنت مسخرتها .. كمان عايز أكد إن المجلس حمى الثورة فعلاً انتوا مش شايفين كل يومين بيسحب بعض العملاء والبلطجية والخونة ( اللي عملوا الثورة ) ويدحرجهم جوا السجون العسكرية .. إحنا بنقول ايه يا جمااااااعة المفروض نرفع للمجلس القبعة .. طب وانا .. إنت هنرفعلك حاجة تانية ..

بس فيه سؤال مجنن أمي لما هو كل اللي عملوا الثورة واللي وقفوا معاها عملاء وخونة وبيتدربوا برا وبلطجية وبياخدوا تمويل من صربيا وأحيانا أمريكا والظاهر والله اعلم واستغفر الله العظيم يعني انهم ليهم يد في موت المجاهد الشهيد ( عمر المختار ) .. ازاي دي دا عمر المختار مات من قبل ما العيال دي تتولد .. ماهو السؤال هنا هي البيضة من الفرخة ولا الفرخة من البيضة ؟

وكمان لو اللي قتلوا السادات بيتشالوا عالراس ( بما لا يخالف شرع الله ) في الحالة دي أنا مستعد أخالفه .. وماتقولش عليا كافر ( لست أكثر منا إسلاماً يا أخ ) بس بصراحة انا ببقى مبسوط وانا وسط العيال الخونة دول يا جماعة واحنا قاعدين كدا فـ وسط الميدان بنقزقز ( بنبوني ) ولو واحد فينا بقى من الجماعة القابضين دول معاه شوية من التمويل في جيبه ممكن يروح عند المكوجي ويجبلنا منه بنبوني ماركة ( هولز ) .. حاسس اني ابتديت اخرف في المقال بس الحقيقة اني بحاول ابعد شوية عن التوضيح بس مش عارف

لو المجلس العسكري حمى الثورة يبقى أكيد شافها ( عريانة ) الواجب عليه يغطيها عشان ما تبردش ….
ولو أشباه الرجال زي توفي حبيب قلبي هما اللي بيدافعوا عن الثورة يبقى المفروض نغيرله المركز نطلع دروجبا وننزل تشيفي مرتضى عالشمال هنلاقي الملعب ابتدى يستحمر ….
ولو الريس اللي هييجي هيوزع علينا بنبوني صاعتها هبعتله ( مصاصات ) كتير عشان الود يبقى متبادل …
واللي فاكر اننا عملنا ثورة انصحه يروح للدكتور .. لأنه لو ركز شوية هيلاقي ان ودانه ابتدت تطول وقرب يطلعله ديل .!!!

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: