امسيات. شيماء تامر : يـــلا إدفــــــنـــونى

أنا الحره..رغم القيود
أنا الحرية فيا مش
بتموت
أنا لو عشت مجبورة
أموت
زودوا فيا القيود
وكتفونى
وغطوا وشى بالتراب
وكممونى
وإحفرو حفرة كبيرة
وكفنونى
لجل أعيش
فى الحفره حره
يلا إدفنونى
أنا الحرة ياناس
إفهمونى
أنا الكرامة بتتولد
من عيونى
أنا اللى بروى بلدى حب
من جفونى
أنا كلمة الحق وسط
السيوف
وأنا اللى أقول لأ لأى
خوف
أنا اللى رفضت أعيش
زى الخروف
أنا مش صنم
يا تعبدونى يا تكسرونى
ولا حيوانه يا تركبونى
يا تدبحونى
وأنا مش هخاف حتى
لو هتموتونى
ومش هقول نعم
للى بيمرمطونى
ومش هغمض وهما
بيعدمـــــــــونى
وهفضل أقول حره
لأخر نفس وآخر نور
يدخل عيونى…….
يلا إدفنونى

Advertisements

One response to “امسيات. شيماء تامر : يـــلا إدفــــــنـــونى”

  1. darsh says :

    بصراحة كلاام ملوش حل

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: