م . محمد سلطان يكتب : الطرف التالت

الكلمة دى كنا بنسمعها دايما كل ماحاجة تحصل وكان بيتقال للثوار انتوا اللى خربتوا البلد وكفاية بقى عشان البلد تهدى مع انهم كانوا بيطالبوا بمطالب الثورة وحقوق الناس وتطهير مؤسسات الدولة والحد الادنى والاقصى والاجور ولحد انهارده مافيش حاجة اتغيرت ومافيش مطلب واحد من مطالب الثورة اتحقق ,وكل يوم بتزيد الاعتصامات والاضرابات فى شتى مؤسسات الدولة بشكل ملحوظ ومافيش أى استجابة لمطالب الناس اللى بتنادى بحقوقها لكن اليوم كان فى مفاجئة لينا كلنا وهى اكتشاف الطرف التالت اللى بيحرض وبيخرب وبيدمر واللى عايز يوقف حال البلد بجد وعايز يعاقب الشعب المصرى على الثورة الظعيمة اللى عملها .

عمال بتروجيت اللى عاملين اعتصام أمام مجلس الشعب عشان يطالبوا بحقوقهم وأثناء الاعتصام خرج واحد منهم بيطالبهم بالقفز على أسوار مجلس الشعب واقتحامه حتى تتم الاستجابة لمطالبهم ولما العمال اكتشفوا اسلوبه الغريب فى الكلام ودعواته التدميرية قرروا انهم يتحققوا من شخصيته وكانت النتيجة الصادمة للجميع ان هذا الرجل هو ظابط بقطاع الامن الوطنى فقاموا بتسليمة لقسم الشرطة وتحرير محضر بالواقعة.

ها هو الطرف التالت ياسادة الذى يحرض على التخريب فلو كان حدث شيئا كان بدون تردد سيتم اتهام الثوار كالعادة حيث يتم الصاق اى تهمة بهم لكن بالدليل قد أيقنا جميعا ان نظام مبارك مازال يحكم ولا يريد الخير لهذا البلد ويسعى بكل قوة لاجهاض الثورة المصرية حتى لاتحقق أهدافها وحتى لايحاسب هو على جرائمه فى حق هذا الوطن لكن يأبى الله الا أن يكشف الحقائق كلها ليعلمها الناس جميعا ويكونوا على بينة من امورهم …

One response to “م . محمد سلطان يكتب : الطرف التالت”

  1. Dr. Mustafa Helmy says :

    عزيزى محمد سلطان:
    الكل عارف مين هو الطرف الثالث بس هل تعتقد ان تنظيف الفساد من البلد يتم فى ساعة زمن ده تل من الفساد عايز سنين علشان يتهد و دورنا احنا ان كل واحد يحط ايده على فساد يبلغ عنه القنوات الشرعية و دلوقتى الخبر بينتشر اسرع من حدوثه فلازم تكون مطالبنا بناءة يعنى انت ممكن تتطالب بموقع لمجلس الشعب نحط علية صور الفساد اللى نعرفها وممكن اعضاء مجلس الشعب ينشروا البريد الاكترونى بتاعهم فى دايرتهم يستقبلوا عليه الفضايح علشان يعملوا بيها طلبات احاطة بدل ما يضيعوا وقتهم فى الاذان او الشتيمه وخلاص دا اذا كانوا فعلا عايزين يخدموا البلد مش بس يطلعوا فى التليفزيون يتعصبوا و يتشنجوا يمكن مخرج يكتشفهم.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: