امسيات. شيماء تامر : مصــــــــــــــــر مختلفة

فى مصر
تختلف المعانى
وتتداخل الأسامى
وفى مصر
قاموس مختص
للترجمة
والتلاعب فى النص
فالثورة عند الغرب
يعنى إعتصام
وثورة شعب
يعنى رفض
لسلطة وحكم
يعنى ثورة….
ثورة بـــــــجد
يعنى إحترام
للإنسان
والحيوان
والأديان
أما فى مــــــــــــــــــــصر
تعالى نشوف
قامت ثورة
فى الميدان
قالوا عليهم
شباب..تعبان
شارب بانجو
شباب فكسان
وقاموا هشوهم
كالخرفان
روح ياابنى
انت وهى
دى مش ثورة
دا عصيان
عاوز تعمل
ليه قلبان
وناس تقول
لمبارك آه
وناس تقول
دا عيان
وناس غلبانه
تقللك لأ
دا عنده زهايمر
دا غلبان
وناس تتشال
وناس تتحط
محدش فاهم
دى ثورة بجد
وناس تموت
وناس تصوت
وناس تعيط
وناس بتضحك
فى الميدان
وبين الناس
تاه المعنى
معنى الثورة
هاتوا القاموس
الاجنبى
نشفها هناك
معناها ايه
معناها رفض
للفساد
معناها شعب
أراد حياة
قام القدر
لبى النداء
أدى القاموس
الأجنبى
وهناك كمان
معنى الجيوش
يعنى جنود
حامية البلد
يعنى سلاح
بيرفعوه
فى وش العدو
أما فى مصر
فالجيوش
معناها كفر
معنها هتك
لعرض البنات
معناها فقع
عيون شباب
معناها دبح
للكرامة
وشد وقمع
للحريات
هات القاموس
المصرى هات
خلينا نشوف
التحريفات
فى القاموس
تلاقى إنتخابات
معناها أحزاب
وحوارات
وإعلانات
ومرتشين
ومرتشيات
وناس بتجرى
وناس بتحوط
على كل صوت
وناس بدقون
وهما فلول
وناس حرية
وناس عدالة
وناس فوانيس
خلونا قراطيس
وناس بتموت
فى الميدان
لكن إنتخاب
فى القاموس
الأجنبى
يعنى نضافة
يعنى براءة
يعنى أصوات
بس ببلاش
يعنى أمانة
يعنى سلامة
يعنى إنتخاب
بمعنى إنتخاب
هاتوا القاموس
المصرى هاتوا
فرجونا عالمعانى
عرفونا بالإسامى
أدى شهيد
معناها ايه عندنا
فى مصرنا
معناها مقتول
أو متوفى
زى مقال
ديب المخلوع
وكمان معناها
بلطجى
طب هاتوا القاموس
الأجنبى
معناها ايه
عندكوا
يا اهل الكتاب
معنى الشهيد
صاجب جنان
رافض فساد
طالب بحقه
قام وقع
شاله الملاك
فوق فى السما
بقا وسطهم
عايش هناك
أدى الشهيد
فى القاموس
الأجنبى
ترضى مين
دى المعانى
فى قاموسنا
إحنا والنبى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: