امسيات. شيماء تامر : ( قصـــر العمـــدة )

إمباح ………..وحشتنى مصر
رحت أشوفها ساعة العصر
وفى طريقى قابلت قصر
شكله مريب و مليان شر
سألت واحد قصر مين دا
قاللى يااااه دا قصر العمدا
سألته تانى طب هو فين دا
قاللى ياه دا فى اللمان دا
فخفت منه ومشيت وسيبته
وجريت جريت وبعدت عنه
وشفت واحده خارجة منه
فوقفت بعيد أشوف حكايته
الست لابسه هدوم أفرنجى
ووراها راجل طول وعرض
بيناديها……….ياست إنجى
حاجة تحير والله بجد
بيت عمده ومراته إنجى
طب حتى مراته
تبقى أم سعد
بصراحة كدا أنا إستغربت
ففضلت واقفة وكمان صممت
مش هتحكرك غير لو عرفت
حكاية العمده والقصر والست
وسألت جيرانهم عن كحايتهم
واحد قالى الناس حبستهم
وواحد رد لأ لسه هتحاكمهم
وواحده قالتلى إوعى ياست
تكونى قريبيتهم
قلت لا أنا من بعيد ولا أعرفهم
ولو أعرفهم مكنتش أبدا
سألت عنهم
قالى الراجل بصى يا ست
العمده……….. سرق البلد
وموت لنا …………..كام ولد
وباع الأرض وهتك العرض
وطلع عميل… وخان العهد
راحوا الناس طردوه من القصر
وقبله الــــــــــــست
وبعد شوية قالوا يتحاكم
إبن التت
وجابوا مراته هى كمان
بس خرجت
وفضل هو فى المستشفى
عامل مـــــــــــيت
وكل شوية رايحة وجاية قالبه الدنيا
بنت التت
ناخد حق ولادنا إزاى …………..
قولى ياســــــــــت

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: