شعر. رمضان رزق : نداء لكل مصر….امانة يا بلدى

امانة يا بلدى
تقومى وتدى
الحق لولدى
تشيلى تخبى
الدمع بيدى

عملتى ثورة مفيش ذيك
وفـ يوم فرحك
علقتى وسامك
غيرتى توبك
بقا ابيض
وردك غنالك
وسماكى..
وسماكى شالت من جوة
من جوة دموعك احزانك
والهم فـ قلبى بقى منسى
لما ضحكتى
لما رميتى الخوف..قدامك
إنكسرت وردة احزانى
وطويت الصفحة العندية
وكتبتى بإيدك حرية
وكتبت بإيدك عنوانى
من تانى..
رجعت اخبط على بابك
شفوكى وكتروا عُزالك
ورموكى..
بتراب بيعفر على توبك
يبهت لونه..
يدبل عوده
ويعود لحياته ولهمومه
وتعودى تانى لأوجاعك
وتشيلى الطرحة
وتقولى بدمعة
فرحة ما دامت
وقوام عدت ..
وقوام ماتت
واجرى عليكى..
قبل ما يملى الدمع عنيكى
اَجرى اخبى
امسح توبك
والقى كتير مستنى همومك
منهم قالى كفاية يا مصرى
مصر بلدنا..زى ما بلدك
إستغربت وقولت دى منى
عُمر ما كانت مصر بلدكوا
لو هتبيعوا ..
احسن تنسوا

بيغموا عنيا بإيديا
وبينكروا مصر بحرية
وبينسبوا دمعك لولادك
لا..
لا وحياتك
لسة بلونك
عودك اخضر
توبك ابيض
لسة عروسة..وبتتمختر
اوعى الدمع يطوُل على خدك
عودى وغنى
لو بداية ..
من بكرة هنبنى
لو دى نهاية
انا خايف ابكى
انا خايف ابكى
امانة يا بلدى

3 responses to “شعر. رمضان رزق : نداء لكل مصر….امانة يا بلدى”

  1. am masrya says :

    ana om masrya we atmna men alby jekon kolkom awlady men alby badey lekom jekhalekom le masr el azema e masr azema we gamela bekom ja agmal shab masr bas ana alana ala ahmed doma ja rab jemekom men kol shar

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: