أشعار. محـمــد صـلاح : يـــانــــــــــــيــل

يا نيل بستأذنك تكون مرسال
وادي الجواب مكتوب عليه موال
كتبته من كتر همي وطلب السؤال
امانة يا نيل تبلغ جوابي
وصل سلامي ليه ولصحابي
وخد معاك مركبي فيها كل شئ مني
فيها صورتي في الصغر
فيها عمري اللي انقضى
فيها شوق للي هجر
للي نسيني ومضى

قوله يا نيل يحافظ عاللي باقي
حاول توصل ان حبه لسة فيا
وانه لسة ما صبحش ماضي
قوله اني حلمت بيه من يومين
كان زي طير في السما
طاير يرفرف بجناحين
كان زي حزمة من الورود
ليها ريحة من الحنين

واسأله .. ليه يا وطن ؟
ليه في عز الشدايد والمحن
تنساني
تبقى انت اللي بايع
وانا شوقي ليك والمحبة وخداني
تبقى انت زي الهيش
في رجل اللي عايم
رابطه ما بيعديش
ويغرقه وبقول العمر مش دايم
بس انت يا وطن
حبك بين الضلوع مزروع بيكويني
زي النيل في عز الحر يسقيني
زي المية فـ ارض خضرا ترويني
مع انك عليا قاسي
وانا اللي عمري ما كنت ولا مرة
هكون ناسي ..
حب الوطن فينا يدفينا
حب الوطن تلقى الوطن
يحضنا ويحمينا

امانة يانيل تفكره بدم الشهيد
فكره بحلم العروبة
فكره بخالد سعيد
فكره بأيام زمان لما كان يحضن اسامينا
فكره بمحمود وأحمد فكره بجرجس ومينا
فكره بحلم الميدان اللي كان بيحمينا

كاتبله في الجواب كلمة
ما اقبلش اشوف بلادي مسروقة في الضلمة
مقبلش اشوفها فـ قاع هوصلها للقمة
مش راح اكون اهبل غشيم بيلبس العمة
هقول لأ واصد بصدري رصاص
وماتنساش فيا القصاص
واعرف يا وطن اللي بيحكموك ولاد جزمة

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: