حملة هانقول لبعض

الكلام اللي هاتقراه دة هيخلينا نغير مصر للأحسن ، انت عارف ان احنا هانختار النواب اللي هايمثلونا في مجلس الشعب بدون تزوير لأول مرة؟؟ وبرضه أول مرة من 7الاف سنة نختار الحاكم بتاعنا؟؟ و دي اول تجربة ديموقراطية ممكن تحول مصر لأكبر دول العالم اقتصاديا وسياسيا؟؟

انت أكيد عارف كل دة .. لكن للأسف فيه غيرك كتير ميعرفش ..!!!… هو دة دورك عشان بلدك ، حاول تتكلم في كل مكان تكون متواجد فيه وأي حد تقابله … قرايبك ، جيرانك ، صحابك ، النت ، الشارع أو حتى المواصلات … المهم انك تفيد غيرك ممكن يكون مش فاهم ، لان مشكلة مصر في الوقت الحالي مش الناس اللي تحت مستوى خط ” الفقر “.. مشكلة مصر دلوقتي الناس اللي تحت مستوى خط ” الفكر” … وهي دي وظيفتك اللي هتغير بيها البلد …حاول تعرف أكتر عشان تفيد غيرك أكتر .. وصدقني سكوتك بيساعدهم على تخريب البلد .. اكيد فهمت أقصد مين ؟!

حاول تكلم اللي مش عارف يعني ايه مجلس الشعب ؟ وعرفه وظيفته وعرفه النواب لازم نختارهم مش عشان فلوس ولا صلة قرابة ولا عشان هايعملي مصلحة شخصية ، لكن هانختارهم عشان هما اللي هايعملو دستورنا الجديد ، وهما اللي هايعملو القوانين اللي البلد هاتمشي عليها ، وهاياخدو القرارات اللي هاتحدد مصير بلدنا .

حاول تعرف الناس اننا بنختار مرشحينا على اساس برنامج انتخابي ، وبنحدد نجاحه من واقعيته ، وازاي هاننفذه في المجتمع ، وان البرنامج دة هو الفيصل بين الشعب والمرشح سواء لمجلس الشعب او انتخابات الرئاسة .

حاول تعرفهم يعني ايه دولة ديموقراطية ؟.. وعرفهم انها قائمة على الاحترام المتبادل لوجهات النظر ، بتحترم كل الاراء ، مافيش فرق فيها بين غني وفقير ، مسلم ومسيحي ، وزير وغفير لان كلنا واحد ، دولة مش بتحكم  على تصنيفك الاجتماعي ولا الفكري ولا الديني ، مافيهاش تعصب ولا تطرف ولا تشدد .

ماتاخدش موقف سلبي وتقول انا نزلت التحرير فخلاص دوري انتهى .. ، وماتقولش انا مانزلتش فمليش دعوة يعملوا اللي هما عايزينه ..

كلنا عايزين نبني ، ومصر هاتبقى على قد ما انت هاتديها … سمع صوتك للناس وعرفهم أفكارك .. شاركنا في حملتنا علشان نشوف مصر اللي بنحلم بيها…

 

5 responses to “حملة هانقول لبعض”

  1. gannah says :

    الله ينور عليكوا مين اللي كاتب الكلام الحلو ده ؟؟؟؟؟؟؟؟

  2. ناصر الشافعي says :

    أنا ناصر الشافعي كاتب ومؤلف ومن الإخوان المسلمين
    لقد أعجبتني الفكرة ، وأبهرتني الصياغة
    فأخذتها وأرسلتها لمجموعتي البريدية وتشمل 1800 إيميل
    وصورت منها 300 نسخة ووزعتها على الإخوان في الشعبة

    • shadytalaat says :

      السلام عليكم
      شكرآآآ أستاذ ناصر
      نحن ندعو كل الكتاب المحبين لمصر لنشر مقالات فى المدونة
      وذلك ضمن حملة التوعية السياسية
      ونرجو ان نتلقى إقتراحاتكم ومقالات لكم
      ونرجو مشاركتنا من اجل مصر

  3. ناصر الشافعي says :

    نفع الله بنا وبكم لخير مصر ومستقبلها

  4. ندى says :

    التغير لا يحدث بلكلام ونحن تكلمنا كثثثثثثثثثثثثثثثيييييرررررررااااا حتى سئمنا الكلام ونريد فعل

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: