حكاية التمويل الخارجي والتدريب الاجنبي …. رؤية عضو جديد

شباب 6 ابريل عرفنا انهم بياخدو تمويل خارجي من امريكا واسرائيل ، والبرادعي سبب خراب العراق ، وان الثورة اللي عملها جهات اجنبية من باكستان وافغانستان وتركمنستان وحزب الله وكل اللي انت عاوزه ، وكل دة طبعا عشان الناس دي تحول مصر لخرابة عربية وفتنة وتدهور ،وبعدين كلنا عرفنا ان كل الكلام دة غلط لان الحقيقة كانت ان الاهلاوية لما حسو ان الزمالك قرب من الدوري اضطر يعمل كدة في البلد ، على اي حال اختلفت الاراء والنتيجة واحدة .

لكن اتفاجئنا كلنا يا عزيزي القارئ ان الدنيا ماشية كويس ،والفتنة الطائفية قلت او تكاد تكون مش موجودة ، وان فرص الاقتصاد احسن من الاول بكتييير ، المشكلة برضه ان الناس اللي تم اتهامهم بالعمالة والتمويل الخارجي هم السبب في كدة ، أكيد اصحاب العقول السلمية اللي نجت من 30 سنة جهل هم اللي فاهمين اللي بقوله والحمد لله الناس دي كتير ، اللي بيفهمو طبعا ..  لكن  لسة فيه ناس بتشكك في الثوار وبتنسب ليهم خراب البلد اللي كانت بتتسرق من ايام الفراعنة .

لكن اكيد ماقدرش الوم الناس دي على اي كلمة بيقولوها وأكيد مقدر أن كان فيه نظام خلى الصعيد كله جاهل عشان يستورد منه عساكر الامن المركزي اللي كانو بيكسرو عضمنا على اساس ان احنا اعداء الوطن على طريقة فيلم البرئ لأحمد زكي ، وخلى 40% من المصريين فقرا ، فبعد دة كله أكيد استحالة حد  يكبر وهو بيحب البلد دي ، وأكيد برضه اللي هايكون بيحب البلد دي يا اما حد مختل عقليا يا اما بيمثل ومنافق عشان مصالح شخصية ، وكان ظهور ناس كل مشكلتها انها بتحب البلد دي من قلبها ونفسها تغير الواقع اللي كانت عايشه فيه كان من غرائب الطبيعة ، لدرجة وصلت للاشاعات اللي كلنا سمعناها واللي لسة ناس لحد دلوقتي مصدقاها ، بسبب تنظيمنا واصرارنا على مكافحة النظام القديم ، رغم ان كان زيينا زمان المناضلين اللي واجهو الانجليز وكانو على نفس اصرارنا وتنظيمنا .

المشكلة الاساسية ان احنا عندنا كمصريين داء قديم بنحاول كلنا نغيره ..” الفهلوة “، كل واحد فينا مصمم انه فاهم في كل حاجة وان اللي حواليه مش فاهمين اي حاجة في الدنيا ، من غير حتى ماندي نفسنا وقت ننزل ونفهم ونستكشف ، لكن كل ما افتكر واحنا بنجمع فلوس عشان نجيب شاي وسكر في المقر الجديد لحركة 6 ابريل ، ومنظر الكمبيوتر الوحيد الغلبان اللي عندنا ، اعرف اننا صح واننا بنحب البلد دي بجد ، واني مش مضطر اتأثر باشاعات سخيفة وفارغة وغير مبنية على حقيقة ، وهاتفضل مشكلتي اني بحب البلد دي لدرجة اني ممكن اضحي بكل اللي عندي عشانها ، اكيد انا مش لوحدي .. دة كمان فيه ناس اكتر مني بكتيير ، وهانفضل كل يوم نكتر لحد ما المصريين كلهم يعرفو انهم بيحبو بلدهم ومستعدين يضحو بكل حاجة عشانها  .. المهم نتغير ….

 

Advertisements

2 responses to “حكاية التمويل الخارجي والتدريب الاجنبي …. رؤية عضو جديد”

  1. youssef says :

    هو طول عمر حكومة مبارك تصور اى حد بيعترض على انه فئة مندسه ويطلع علينا كلاب مبارك اسامة سرايا ومجدى الدقاق يتغنو بالاجندة الخارجية والتمويل الخارجى ومش عارف ومش قادر افهم هو مبارك كان منزعج من حزب الله كده ليه ومنزعج من حماس اوى ومن ايران وقطر اكتر المصيبة انه رحل من غير مايفهمنا هو بيكرة اى حد يكره اسرائيل ليه؟؟!!

  2. nansa ahmad says :

    على اساس مصر دولة مدنية وليسى دولة دنية الوطن لجميع ودين لللة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: