بحلم بمصر بكرة

بحلم بمصر بكرة فيها نظام وفيها قانون بيمشي علي الصغير والكبير ع الغني قبل الفقير

قانون قوى قوته تيجى من عدله مش ظلمه وقهره للغلبان والضعيف

بحلم بمصر بكرة فيها امان مش خوف وجبن واستسلام

بحلم بشعب كبير ..كبير بأخلاقه واحترمه للنظام مهما كانت الطوبير

نفسي مسمعش عن واحد مات من الجوع ولا ولد ضرب ابوه عشان ياخد من فلوس

نفسي مسمعش ان اتنين بيحبوا بعض متجوزوش عشان مفيش فلوس نفسي

نلغى من القاموس كلمة انت مسيحي ولا مسلم ونحذف كلم الشتايم والالفاظ اللي بنسمعها في كل شارع في مصر

نفسي مشفش في مرة ميكروباص جي من اخر اليمين للشمال من غير ما يدى اشارة

نفسي يسفلتوا الشوارع ومش كل يوم نسمع عن حوادث الطرق نفسي

مشفيش حد بيرمي زبالة في الشارع نفسي نعرف يعني ايه ديمقراطية ونحترم معني الحرية

ومكفرش واحد لمجرد انه بيختلف معايا في الفكر او العقيدة

نفسي نعرف يعني ايه دستور ويعني ايه انتخابات انتخابات بجد مش البلطجة والتزوير والصوت الي بخمسين جنيه

نفسي في حاجات كتيييييييييييييير تكون موجوده فيكي يا مصر

وحاجات اكتر تختفي منك يا مصر

نفسي التعليم يبقي تعليم بجد مش حفظ وصم وبس

نفسي المداس تبقي محترمة وكل طالب ياخد حقه من الاهتمام

نفسي مسمعش عن بعبع الثانوية العامة والدروس الخصوصية والطلبه اللي بضربوا المدرسين

نفسي مسمعش ان في طالب مات من ضرب المدرس

نفسي نحب اكتر من كده يا مصر

 

http://www.facebook.com/event.php?eid=162392243817343

شاركنا حلمنا يوم 6 ابريل 2011 … لان الثورة لسه مخلصتش … لان دم الشهداء مش هيروح هدر

الشعب يريد محاكمة الفساد



Advertisements

One response to “بحلم بمصر بكرة”

  1. youssef says :

    مستحيل يضيع دم الشهداء هدر
    ومستحيل تعود مصر الى ماقبل 25 يناير
    فلول الحزب الواطى تعمل كالخفافيش بعد موقعة الجمل راينا باستاد القاهرة موقعة الجلاليب
    هل يتخلوننا شعب غبى؟
    لابد من محااااااااااااااااااااااكمة الفساد والبلطجة
    وعاشت مصر حرة والموت لكل فاسد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: