اختار بالعقل

قبل ما تروح لجنة الانتخابات وتدي صوتك لواحد منهم، لازم تبقى عارف انت بتديلو صوتك ليه، مش لأنه من عيلة كبيرة أو بيتكلم كويس، ولا عشان شغل ابنك في الحكومة، ولا عشان كلم وزير الأسفلت عشان يسفلت شارعكو، ولا كلملك وزير النقل عشان ينقل بنتك لمدرسة قريبة.
لازم تبقى عارف الفرق بين عضو المجلس المحلي ونائب البرلمان(مجلس الشعب ومجلس الشورى) وتبقى عارف إن النائب ده بيوافق أو بيرفض القوانين اللي بتتعرض على البرلمان زي مثلا قانون الطوارئ مؤخرا، كل نواب الحزب الوطني وافقوا عليه، الضرائب الجديدة على الأسمنت والسجاير لدعم ميزانية الصحة هما اللي وافقوا عليها، انت بتدفع ضرايب، اسأل نفسك بتلاقي قصادها خدمات؟ والسبب النواب اللي في المجلس،النواب دول هما اللي المفروض يحاسبوا الحكومة، عملت إيه ومعملتش إيه وما عملتوش ليه، وكان مفروض يسحبوا منها الثقة (يعني يرفدوها) لما حصلت أزمة العيش والغاز والجاز وغرق العبارة وحريق القطار وأكياس الدم الملوثة، وقرارات علاج على نفقة الدولة (يعني على حسابك من الضرائب اللي انت بتدفعها) بآلافات وملايين علشان واحد يزرع طقم أسنان وواحدة تزرع شعر جديد، النواب هما اللي بيوافقوا على ميزانية الصحة والتعليم اللي رايحين في داهية، وفي نفس الوقت بيوافقوا على ميزانية زي الداهية للداخلية لقمع المعارضة، والإعلام لتزييف الحقائق وتغييب العقول، والمؤتمرات والرحلات والبدلات و و و .
التزوير في الانتخابات بيحصل لأنك ما بتروحش، وبتقول اللي هما عايزينو هو اللي هييجي، لازم تروح وتلحق تختار واحد يكون جاي مرة واحدة باختيارك انت وبصوتك انت مش بالتزوير.

Advertisements

4 responses to “اختار بالعقل”

  1. وفدى says :

    مجهود أكثر من رائع نتمنى المزيد

  2. hager ahmad w says :

    ان واحدة مصرية ووطنية ومدرسة فى مدرسة متميزة و مطحونة انا وزوجى المهندس ولنا ثلاثة ابناء ومرتبى و مرتب زوجى لايكفى حاجاتنا – عمل لنا ايه الحزب زززززز غير حرق الدم

  3. سعيد كمال كامل says :

    لابد من اشراك عدد كبير من الشباب من الجامعات والمؤهلات العليا والثانوية العامة ومن ليه وعي وفكر بناء لرفع درجة الوعي لدي الجاهير في شتي البلاد لخلق واقع جديد قادر علي قيادة البلاد بفكر حديث لا الأفكار القديمة مازالت مسيطرة علي عقول قطاع كبير من الشعب خاصة الساعين وراء المصالح الخاصة فقط يجب التحرك وباقصي سرعة حفاظا علي نجاح الثورة

  4. سعيد كمال كامل says :

    لابد من اشراك عدد كبير من الشباب من الجامعات والمؤهلات العليا والثانوية العامة ومن ل]يه وعي وفكر بناء لرفع درجة الوعي لدي الجاهير في شتي البلاد لخلق واقع جديد قادر علي قيادة البلاد بفكر حديث لأن الأفكار القديمة مازالت مسيطرة علي عقول قطاع كبير من الشعب خاصة الساعين وراء المصالح الخاصة فقط يجب التحرك وباقصي سرعة حفاظا علي نجاح الثورة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: