يعنى إيه القله المندسه

مصطلح القله المندسه بتسمعه فى النشره او بتقراه فى الجرايد بعد الاحداث الكبيره

لما بتلاقى تزوير فاضح للإنتخابات و تلاقى ناس بتعترض .. تلاقى حكومة الحزب الوطنى تقولك دول قله مندسه

و لما تلاقى ناس تعترض على زيادة الأسعار.. تلاقى حكومة الحزب الوطنى بتقول فى اجهزة الاعلام إن دول قله مندسه

و لما تلاقى ناس بتقف ضد الظلم .. برضه يقولوك سيبك منهم دول قله مندسه

و لما تلاقى ناس بتطالب بحقوق الناس و تفضح فساد رجال اعمال الحزب الوطنى .. برضه هايقولولك عليهم دول قله مندسه

العمال و الموظفين و المدرسين اللى بيطالبوا بحقوقهم كل يوم … هايقولوك عليهم قله مندسه

و كل الاحزاب و الحركات و التيارات من اليمين لليسار
الوفد و التجمع و الناصرى و الغد و الجبهه
الاخوان المسلمين و كفايه
شباب 6 ابريل
كل التيارات و الافكار
ليبراليين و اشتراكيين و ناصريين و اسلاميين

برضه حكومة الحزب الوطنى بتسميهم قله مندسه

حتى آلاف العمال و آلاف الموظفين اللى بيعملوا اضرابات كل يوم علشان يطالبوا بحقوقهم المشروعه .. بيقولوك عليهم دول قله مندسه

رغم إن الاغلبيه اللى بيزعمها الحزب الوطنى … جايه أساسا من تزوير الانتخابات و البلطجه و استغلال موارد الدوله بطريقه غير مشروعه

يعني حزب الاغلبيه الوهميه مش اكتر

ده معنى القله المندســـــه

نيجي لـ هنا القاهره وليس الجابون .. واشمعنى الجابون
أولا الجابون دي بلد افريقيه .. رئيسها تقريبا حكمها لما يقارب اربعين عاما .. يعني فضل كاتم على نفسهم
(ادي اول تشابه)

ثانيا لما مات الرئيس عمر بونجو اترشح ابنه عن الحزب الوطني الديمقراطي الجابوني
– ما اسموش كده طبعا – لكن دي اشاره للحزب الحاكم هناك اللي ابن الديكتاتور الجابوني اترشح عنه وفاز
(تاني تشابه)

المعارضه بتاعتها كانت شغاله تصريحات هنعمل وهنسوي ومش هيحصل التوريث ومش هنسمح بيه .. شو اعلامي مش اكتر
(تالت تشابه)

الشعب الجابوني كان نايم في العسل ومش فارق معاه مين يمسك ومين يفوز او كان مهيأ للحظه زي دي من فتره طويله انه وقت التوريث يكون في حاجات تاني شاغلاه
(رابع تشابه)

لما فاز ابن الرئيس بدأت المظاهرات والاحتجاجات والمعارضه نزلت الشارع وقعدت تقول الانتخابات مزوره .. لازم تتعاد ده رئيس جاي على عكس ارادة الشعب .. وشوية لوك لوك وكلام فاضي وكام شو اعلاني من قيادات المعارضه ونشجب وندين ونستنكر .. ومر التوريث واحزاب المعارضه انضملهم كام عضو جديد وعملوا شو واسم وشهره وخلص الموضوع على كده

طبعا التشابه والمقارنه هنا مش في ان جمال مبارك مسك ولا ان التوريث حصل عندنا زي ما حصل في الجابون .. لكن معنى الجمله الاعتراضيه اننا بنوصل رساله للشعب واحزاب المعارضه .. اننا ضد ان اللي حصل في الجابون يحصل هنا في القاهره

ما نستناش احنا لما الانتخابات تتعمل وتتزور وجمال مبارك يورث حكم العزبه وبعدين المعارض هتنزل تستنكر وتهتف والانتخابات مزوره وكام شو اعلامي وخلاص

احنا نمنع التوريث ، مش نستنى لما يحصل وبعدين نحاول نلغيه لازم كل فئات الشعب تتحد ولازم نقف كلنا في وجه التوريث من قبل ما يحصل .. التوريث لو حصل خلاص مش هنقدر نعمل اي حاجه ومش هيكون في اي وسيله او تصرف علشان نرجع بالزمن لورا

لايفيد البكاء على اللبن المسكوب
لا يفيد النوح والاستنكار بعد التوريث

هنا القاهره وليس الجابون

يستمر المؤتمر لثلاثة أيام

اليوم الأول والثاني على الانترنت مباشرة من موقع شباب 6 ابريل
http://www.6april.org/anti-ndp/

اليوم الثالث على ارض الواقع بمقر حزب الجبهة الديمقراطيه بالمهندسين .. بعد رفض نقابتي المحامين والصحفيين وجميع المسارح والفنادق استضافة المؤتمر استجابة لأوامر اجهزة أمن مبارك

المؤتمر يبدأ من يوم 31 أكتوبر بالتزامن مع بداية مؤتمر الحزب الوطني السنوي وينتهي يوم 2 نوفمبر

Advertisements

One response to “يعنى إيه القله المندسه”

  1. فارس احمد درويش says :

    انا طالب ثنويه عامه وانا هكتبلكم حاجه يريت تهتمو بيه بسبب امتحانات الثانوية العامة.. 6 طلاب يحررون محضرا ضد وزير التعليم
    آخر تحديث: الاحد 1 اغسطس 2010 9:38 م بتوقيت القاهرةتعليقات: 0
    شارك بتعليقك

    – منتصر النجار
    اطبع الصفحة حرر كل من: فارس أحمد درويش، وأحمد عبد الله علي، ومصطفى أحمد السيد، وجمال شاهين الخولي، وأحمد حامد عوض، وإسلام إبراهيم عطا، الطلاب بالصف الثاني الثانوي قسم أدبي، اليوم الأحد، محضرا ضد وزير التربية التعليم، ومسئول التعليم بكفر الشيخ.

    يأتي ذلك بعد أن توجه الطلاب إلى مدرسه سيدي سالم الثانوية بنين لأداء امتحان اللغة العربية، وكانت المفاجئة أنه تم منع دخولهم من قبل رئيس اللجنة، الذي قام باستخراج ورقه جدول الامتحانات، والمدون بها أداء الامتحان الساعة التاسعة صباحا، إلا أنهما اعترضوا على هذا معللين ذلك بأن لديهم جدول قديم مدون به الامتحان، ومحدد اليوم الساعة الثانية عشر ظهرا، لكن رئيس اللجنة لم يقتنع بذلك، وقام بطردهم، قائلا: “الوزارة هي السبب.. الوزارة عايزة كده”.

    اتصل الطلاب بشرطه النجدة بكفر الشيخ للاتصال بالمسئولين بدخولهم الامتحان، إلا أن الحيلة لم تفلح، فتوجهوا إلى محمد سعيد، مدير نيابة سيدي سالم، وقاموا بتحرير المحضر رقم 5885 إداري مركز شرطه سيدي سالم لسنه 2010 ضد وزير التعليم ومسئول التعليم بكفر الشيخ، ومدير الإدارة التعليمية بسيدي سالم، وذلك بسبب عدم إخطارهم بموعد الامتحان الذي تم تغييره دون علمهم، وأضاع عليهم تعب العام الدراسي في المذاكرة ليلا ونهارا، بحسب وصفهم.

    ها

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: