يعنى ايه واسطتك مصريتك .. يعنى خليك ايجابى .. شارك معانا

يعنى ايه واسطتك مصريتك؟

يعنى انت مصرى و هى دى واسطتك الوحيده

يعنى انت ليك حقوق فى البلد دى و من حقك تاخدها

يعنى انت مش لازم تجيب كارت من الباشا فلان علشان تخلص مصالحك

يعنى انت زى ما بتدفع ضرايب من حقك تلاقى الخدمات اللى من حقك و اللى بيكفلها الدستور و القانون

يعنى انت لازم تتحرك و تكون ايجابى و تطالب بحقك علشان لو ساكت عليه محدش هايديهولك

يعنى لما تشوف فساد ماتسكتش

يعنى لازم تكون عارف ان كل المسئولين و الموظفين  اللى فى البلد لازم يكون هدفهم خدمتك لإن دى وظيفتهم اللى بيتقاضوا عليها مرتباتهم من ميزانية الدوله اللى انت بتساهم فيها بالضرايب و الرسوم .. و لو مش عارفين يشوفوا شغلهم يبقى يتم استبدالهم بالأكفأ

يعنى لما تشوف واسطه و محسوبيه تتكلم و تطالب بحقوقك و تصر عليها

يعنى انت من حقك تعيش فى مجتمع نضيف و منظم

يعنى لازم تكون ايجابى و تغير الواقع السىء اللى انت عايش فيه

يعنى نكف الظالم عن ظلمه و الفاسد عن فساده

يعنى يكون ليك صوت مسموع و حق فى المشاركه فى اتخاذ القرار

يعنى مساواه بين كل الناس

يعنى محدش ياخد حق مش ليه بسبب فلوسه او واسطه من احد الباشاوات

طيب ايه فوايدها؟

فوايد الحمله اننا نغير مع الناس الواقع السىء اللى هما عايشين فيه و ننشر الايجابيه فى كل مكان

و نكون مع الناس و نبدا بحملات توعيه بالحقوق

و نحاول نساعد فى بعث الايجابيه عند كل الناس و نساهم فى ايجاد مجتمع واعى بالحقوق يسعى للتغيير

و نكون وسط الناس نحس بمشاكلهم و نغير معاهم

يعنى انتوا عملتوا ايه لغاية دلوقتى

احنا دلوقتى فى المرحله الاولى للحمله .. النشر الاعلامى و التسويق

و شغالين فى استطلاع رأى و نشوف الناس عايزين ايه

احنا ماينفعش نفرض على الناس شكل معين .. ولا ينفع ننزل على الناس بالبراشوت .. ولا ينفع نتكلم مع الناس بأسلوب فوقى و نديهم تعليمات

لازم نشتغل مع الناس .. و نتكلم معاهم و نفهمهم

بعد مرحلة التسويق و استطلاع الراى و معرفة اهم المشاكل و طرق حلولها المتاحه

هانبدا ننزل مع الناس

و نتحرك معاهم

بالتأكيد مش لوحدنا

فيه شباب كتير نفسهم يساهموا فى مشروع التوعيه و نشر الايجابيه

فيه جمعيات و احزاب و منظمات و مراكز حقزقيه كتير ممكن تساعد

هانتحرك فى كل الاتجاهات

و هاندعم الناس بكل الطرق

طيب ايه مجالات المشاركه و انا ممكن اشارك معاكوا ازاى؟؟

ممكن تعمل حاجات كتيير قوى

دى بعض الامثله

و انت كمان ممكن تفكر و تبتكر

** ممكن تساعد فى نشر الفكره على اوسع نطاق

** ابعت استطلاع الرأى فى كل مكان

** ابعت لينكات الحمله فى كل مكان

** ممكن تساعد بإعداد فيديو عن مشكله فى منطقه معينه

** ممكن يكون ليك واحد صاحبك فى جمعيه اهليه ممكن نتعاون معاها

** ممكن يكون ليك معارف فى جمعيات او مراكز او احزاب تحب تساعد

** ممكن تكون صحفى او تعرف حد صحفى

** ممكن تساعد فى الحمله الدعائيه للحمله بتصميم ستيكر او فيديو او اغنيه تحمس الناس

** ابعت لكل صحابك على الفيسبوك و عرفهم بالفكره و حاول تقنعهم

** جرب تكلم صحابك و جيرانك على الفكره

** اطبع استطلاع الرأى و حاول توزعه فى نطاق ضيق

** ممكن تحضرلنا تقرير او خطة عمل فى اى مكان تعرفه أو عن اى مشكله تعرفها

** فكر معانا فى افكار جديده

خليك ايجابى .. إوعى تقول مفيش فايده

شباب 6 ابريل … الاصدار الثانى

ادخل على الجروب الاصلى للحركه

http://www.facebook.com/group.php?gid=9973986703&ref=nf

مدونة الحركه

https://shabab6april.wordpress.com

تابع اولى فيديوهات الحمله

http://www.youtube.com/watch?v=n-oZXKdt3os


ابعتلنا بياناتك او تخصصك او اقتراحاتك

Shabab6april.mov@gmail.com

أو كلمنا

0110479445

إوعى تخاف .. و خليك ايجابى

أو كلمنا

Advertisements

3 responses to “يعنى ايه واسطتك مصريتك .. يعنى خليك ايجابى .. شارك معانا”

  1. MADO86 says :

    الكلام ده عبيط جددا مفسش حد بياخد حقه ف البلد ديه انا فعلا بتكام عن تجربه حصلتلي انا خريج حقوق حقوق وقدمت ف النيابه العامه بس للاسف عشان الفلوس اللي انا دفعتها مكنتش كغايه150!!!!!!!!!!!!!!!! الف جنيه مدخلتش مكان ف ناس جايبين مقبول دخلوا عشان دفعوا اكتر او الواسطه بتاعتهم شافت شغلها كويس احنا بلادنا ده هتفضل كده ومش هتتغير احنا لازم نسيبها ونسافر

  2. emy says :

    انا مبسوطة جدا بوجود شباب لسا عندها انتماء لمصر لان الزمن ده ماتت فيه اجمل المشاعر الجميلة وياريت انضم معاكو لاني بجد بحب مصر وممكن اعمل اي حاجة لام الدنيا

  3. sara says :

    انا عايزة اشارك معاكم فى الحملة على مستوى محافظة الاسكندرية

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: