انشاء رابطة للعاطلين المطالبين بحق العمل على الانترنت

1_550970_1_34

كتب محمد محمود

خاص بالمدونة :: ” تفاقمت مشكلة البطالة في العقود الثلاثة الأخيرة حيث فشلت الدولة في تحقيق تنمية حقيقية وفشلت بالتبعية في توفير فرص عمل جديدة بدعوى أن توفير وظيفة واحدة جديدة يتطلب عشرات الآلاف من الجنيهات كما أرغمتها سياسات الخصخصة وسياسات المعاش المبكر إلى تسريح مئات الآلاف أو ما يزيد عن المليون من العاملين حتى وصل عدد المتعطلين إلى ما يقرب من الأربعة أو الخمسة ملايين – حوالي 25.00 % ممن هم في سن العمل – وأصبحت مشكلة البطالة قنبلة غير موقوتة تهدد استقرار المجتمع ” جائت هذه الكلمات في البيان التأسيسي للرابطة بموقعهم على الانترنت ويطالبون من خلاله كل العاطلين بالتوقيع عليه لتوفير فرص العمل بالتعاون مع المجتمع الاهلي دون أن تتخلى الرابطة عن مطالبة الدولة بالقيام بمسئولياتها في حل مشكلة البطالة وتوفير فرص العمل اللازمة واكدوا من خلاله ان مصر بها عدد كبير من العاطلين ومن هنا تأتي أهمية تأسيس رابطة لهم في هذا التوقيت لسد هذه الثغرة لخير العاطلين في توفير فرص العمل وإحداث التنمية وتحقيق الاستقرار .
واوضح البيان إن غاية الرابطة وهي تفتح باب عضويتها – للرجال والنساء من العاطلين والعاملين وأصحاب الأعمال ومن الأغنياء والفقراء – لا تسعى لفرض واجبات على الدولة والأغنياء أو حقوقا للفقراء وإنما غايتها من كل ذلك هي القضاء على البطالة وما يستتبعها من فقر وحاجة حيث أنها من أخطر الأمراض التي تفتت الأمة وتساعد على انتشار الرذيلة والجريمة.
واستهدفت الرابطة جميع المتعلمين المؤهلين للعمل من خريجى الجامعات والمعاهد العليا والمتوسطه وفوق المتوسطة
ووجه الاستاذ الهامي الميرغني لهم بعض الكلمات يجب ان تنظموا انفسكم جغرافيا بمعني رابطة العاطلين في بولاق ابو العلا او غيرها أو مهنيامن خلال رابطة خريجي كليات التجارة او غيرها ويمكنكم حصر الجهات التي تمول مشروعات صغيرة ومعرفة شروطها والتعاون معها كما يجب بناء قاعدة بيانات باسماء المنتمين للرابطة ومؤهلاتهم وخبراتهم السابقة ان وجدت كما يمكن بناء مشروعات تعاونية يحتاجها السوق كذلك عمل قاعدة بيانات بخبراء تنمية بشرية يمكن ان يتعاونوا معكم .
Advertisements

About محمد محمود

بكره اكيد جاي اجمل بايدينا

One response to “انشاء رابطة للعاطلين المطالبين بحق العمل على الانترنت”

  1. نورا says :

    السلام عليكم ورحمة الله وبركاته
    موضوع البطالة ده فعلا موضوع خطير لان الشغل هوالي بيبني حياة الشاب حتى لو ميسور الحال فالعمل ضروري لبناء الشخصية وتحمل المسؤلية
    لكن في حاجة عاوزة اعرفها ؟
    ايه هو الشغل الي الشباب بيدور عليه ؟! اكيد طبعا بيختلف من شخص للتاني حسب المستوى التعليمي وتخصصه طبعا
    بس انا حاجة شوفتها كتير وانا مش بعمم بس في شباب من حملة المؤهلات بيستهوينوا بالشغل الي في غير تخصصه وبيحس انه مش المفروض يشتغل فيه
    ومش عاوز يتعب نفسه
    عاوز يجيله شغله في تخصصه وتكون كويسه ومواعيد العمل مناسبة ليه وكمان مرتبها جميل يقدر يغطي مصاريفه ويحوش منه؟!
    كل ده جميل وانا ولا غيري ممكن نعترض على الطموح . بس مفيش حد بياخد كل حاجة مرة واحدة من غير تعب شوية
    يعني فيها ايه انك تشتغل شغلانه مش تخصصك ولا الي بتتمناها ممكن بفلوسها توصل للي عاوزه يعني تاخد كورسات في تخصصك وتقوي نفسك او تعمل دبلومة مهنية تخليك لما تقدم على شغل تخصصك يبقى قدامك فرص احسن من غيرك وخصوصا ان اغلب الوظائف بيبقوا عاوزين “خبرة”
    وفيها ايه لما تشتغل باجر رمزي او حتى ببلاش لحد ماتكتسب الخبرة الي تخليك وقتها تقدر انت الي تختار انت هتشتغل فين
    يعني انا شايفة ان مش عيب ان الواحد يشتغل اي شغلانه حتى لو حرفيه علشان بعد كده يقدر يحقق الي عاوزه
    هتقولي مفيش وقت !! لا في زي ما في وقت تقعد ع القهوة او تلعب او تنام كتير ضحي شوية في بداية حياتك وانت صغير علشان ترتاح بعد كده
    اهم حاجة متستسلمش ويكون عندك طموح وصبر صبر صبر وحاول مرة واتنين ومليون علشان تحقق حلمك ومتقولش( انا اتحطمت انا معرفش انا مقدرش انا مش لاقي شغل)
    الي يسعى ربنا بيساعده باذن الله
    ومتقولش خريج جديد مين هياخدني ابذل جهدك خد كورسات دور على شغل اترفض مرة واتنين والف اعرف الي نقصك قوي نفسك فيه دور دور دور دور
    انا اعرف ناس متخرجين جديد وبيشتغله شغلانتين
    وناس تانية فضلت سنتين لحد ما اشتغلت بس مش حطيت اديها على خدها وقالت مفيش امل كملت وحاولت وما شاء الله ربنا كرمها
    في كمان اماكن بتدي كوسات مدعمة وكمان في بيدوا كورسات مجانية
    وممكن متروحش تحضر الكورس لو مش فاضي ممكن تاخد سيديهات وكتب وتابع معاهم من فترة للتانية المهم توصل للمعرفة
    وسع معرفتك علشان يبقى قدامك اكتر من فرصة لاكتر من شغلانه
    واتمنى من الجميع الي يعرف اماكن بتدي كورسات مدعمة اومجانية
    او تدريب عملي للشباب في شركات حتى” المجاني” في مختلف التخصصات يفيدنا .

    شباب مصر كله طموح وامل وعنده صبر انا واثقة من ده وكل اما وسع معرفته هيكتشف في نفسه حجات مكنش واخد باله منها ومواهب وقدرات غير عادية.
    احنا كويسين وبنساعد بعض ولسه في ناس محترمة واخلاقها عاليه وبتحب الخير وغيوره ع الوطن واولاده انا متأكده حتى الوحش منا جواه نظيف وكويس بس ناقصه التوجيه
    ربنا يوفقنا جميعا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: