هانعمل إيه لغاية يوم 6 ابريل.. و هانعمل ايه يوم 6 ابريل

هانعمل ايه لغاية يوم 6 ابريل القادم
====================

1- ابعت لينك الجروب ده لكل زمايلك على الفيسبوك
2- اكتب توبيك و اكتب الدعوه و لينك الجروب فى كل الجروبات اللى مشترك فيها على الفيسبوك
3- اكتب توبيك و اكتب الدعوه و لينك الجروب فى كل المنتديات و كل المواقع اللى تعرفها
4- ابعت لينك الموقع و المدونه و الجروب على الايميل لكل صحابك
5- ضحى بعشرين جنيه و ابعت رسايل لكل اللى متسجلين عندك على التليفون
6- هات طباشير او اسبراي و اكتب على اى مكان تلاقيه ينفع
7- اكتب على الفلوس اللى معاك عباره واحده
اضراب 6 ابريل 2009 .. حقنا و هناخده
8- اتكلم مع كل صحابك و قرايبك و اقنعهم بالفكره و اقنعهم بضرورة عمل احجتجاجى للضغط على الحكومه

9- افتح حوار عفوى و انت راكب اى مواصله و اتكلم انك سمعت من الناس عن اضراب 6 ابريل2009

10- ضحى ب 10 جنيه و صور الدعوه لليوم بما فيهم طرق النشر و كل يوم الصبح بدرى سيب نسخه على كل مساحة عربيه  تقابلها و سيب نسخه على كل باب بيت فى عمارتكم او عمارات قريبه.. و ماتنساش لينك المدونه

—————-
هانعمل ايه يوم 6 ابريل
=============

1- لو طالب يبقى روح الجامعه بس إعمل اضراب عن الدراسه و قاطع حضور المحاضرات .. و طالب مع زمايلك فى اليوم ده
بحقوقك المشروعه فى التعليم

2- لو موظف يبقى تروح شغلك أو مصنعك و تعلن اضرابك عن العمل و تدعوا باقى الموظفين للاضراب حتى يتم اجابة مطالبكم الفئويه

3- ممكن تشترك فى التظاهرات السلميه اللى اعلن عنها فى القاهره و انتظر اعلان المحافظات .. و ممكن تنظم مع المتحمسين للفكره أى وقفه احتجاجيه سلميه فى اى ميدان لعرض أى مطالب

4- جمع اهل منطقتك و جمعوا مطالبكم و مشاكلكم و اطلعوا بيها على مقر الحى او الوحده المحليه او المحافظه و طالب بحقوقك المشروعه بصوره سلميه

5- لو مش طالب ولا موظف أو لو مش هاتعرف تعمل اللى فات.. يبقى خليك فى البيت

6- اثناء نزولك فى الشارع او مشاركتك فى الانشطه او لو حتى مش هتشارك .. يبقى البس اسود فى اليوم ده

7- تعلق علم مصر على البلكونه

9-متشتريش اي حاجة اليوم ده

10- تابعنا باستمرار علشان تعرف اى انشطه جديده

One response to “هانعمل إيه لغاية يوم 6 ابريل.. و هانعمل ايه يوم 6 ابريل”

  1. د/ماهر محمود says :

    جرائم الحزب الوطني
    مرسلة بواسطة د / ماهر محمود On 12:30 م

    أخر تقاليع مرشدي أمن الدولة تكوين مجموعة طز علي الفيس بوك علي إعتبارأنهم شباب مناصرين للحزب الوطني ويرفضون الإضراب إلا أنهم لم يذكروا لنا ما هو بديل الإضراب
    هل البديل أن ننضم للحزب الوطني

    لحزب ممدوح إسماعيل قيادي فية( ممدوح إسماعيل قاتل المئات في عبارتة المشئومة )
    أم حزب طارق السويسي أمين الحزب الوطني في الهرم المتهم بسرقة الأثار والذي يقضي عقوبة المؤبد
    والحزب الوطني هو حزب نواب سميحة الذين أدانتهم المحكمة بإرتكاب الزني وللعلم لم يدفعوا أجرة سميحة
    والحزب الوطني هو حزب نواب القروض الذين أخذوا المليارات من أموال البنوك من أموال الشعب المطحون في كل بلاد الدنيا ولم يسددوها
    الحزب الوطني هو حزب هشام طلعت مصطفي قاتل سوزان تميم وبالأحري مستأجر ظابط أمن الدولة ب3مليون دولار ليقتلها

    والحزب الوطني هو حزب نائب المخدرات الذي أتخذ من عضويتة في حزب الحكومة ستارا لتجارة المخدرات مادام بتبرع لحزب الحكومة
    والحزب الوطني هو حزب النائب الصايع الذي نزل بأحد الفنادق وأجري مكالمات تليفونية بإبنة في أمريكا بالألاف ورفض دفع الفاتورة للفندق وبالفم المليان قال أنا صايع
    ونائب النقوط اللي كل مايدخل فرح ينقط

    وحيدر بغدادي أول ماانضم للحزب الوطني اصابتة عدوي الأنحلال وبقي زيهم ولة سي دي وهو يقبل راقصة
    -ولاتنسي هاني سرور تاجر أكياس الدم الملوثة
    ماذكرناة نقطة في بحر من جرائم الحزب الوطني وماتكلمنا عنهم هم قادة بدرجة أمين الحزب في دائرتة أما لو تكلمنا عن المستويات الأقل ستضيق بنا صفحات الأنترنت وللحديث بقية
    المقال بالكامل علي مدونة”كلمتي ماهر محمود”

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: