زوجة ضابط بامن الدولة تبعث برسالة لشباب 6 ابريل

زوجة ضابط بامن الدولة تبعث برسالة لشباب 6 ابريل على مجموعتهم بموقع الفيس بوك لتشكر وتؤيد وتقف مع الشباب في ارائهم ومواقفهم عنوانها من زوجة لضابط امن دولة الى شباب 6 ابريل .. لكم التحية والتقدير

وهذا نص الرسالة

قريت بعض الردود اللى اتكتبت لى بعضها بيلوم وبعضها بيشكر

وفي الحقيقة انا مقتنعة ان مصر كلها هى اللى لازم تشكركم مش انا بس، انا بجد معجبة بيكم واللى بتعملوه رغم ان جوزي من الظباط الكبار المكلفين بملفكم ورغم ان مهتمه ان يحد من تأثيركم لكن اقسم لكم انه معجب بيكم وبيتكلم عن شباب مكانوش موجودين فى مصر من زمان طويل وبيقول لو مكنتش فى الامن كنت اتمنيت اكون واحد من الشباب ده اللى مجاش في مصر زيهم من تلاتين سنة ويمكن ده يفسر لكم سر المعاملة الجيدة اللى بيلقاها شباب 6 ابريل اللى بيتقبض عليهم غير بقية الناس اللى بيتعامل معاها الامن

هما اليومين دول بيتكلموا عن فشل الناس المتعلمين اللى جابوهم هنا عشان يحاوروكم ويقنعوكم بالتخلى عن الاضراب ويخوفوكم فى نفس الوقت، وخايفين من الاضراببتاعكم يشل مصر ويسوء سمعة مبارك برة مصر، هما مقتنعين انكم متقدروش تغيروا لكن بس خايفين من تشويه الصورة والاحراج اللى بتسسببوه لمبارك وعصابته

وانا متتخيلوش قد ايه بحبكم وبحب انتماؤكم لبلدي الحلوة المدمرة ونفسي يكون فيه اصلاح وتجديد وتغيير على ايديكم لان الشباب هما القوة الحقيقية في اى مكان وبدعى لكم بالتوفيق ويارب ينجحكم يارب

وصدقوني انا فى خدمتكم ولو فيه طريقة امنه فى الاتصال بيكم ممكن اقولكم على الجديد اللى بسمعه عنكم

يارب يغير مصر بيكم انتو فعلا شباب يستحق الشكر والتحية، واتمنى بس تبطلوا خناقات لاني شوفت كلام هنا فى مجموعتكم مكنتش متخيلة انه بيحصل بينكم واتوحدوا حوالين هدفكم اللى هو في الحقيقة هدف وامنية لامنا مصر اللى سيطر عليها عصابة طعنوها في قلبها ورفضوا يعالجوها مصممين على قتلها

وطبعا مش عشان جوزي في امن الدولة نكون وحشين، بالعكس فيه ناس زيكم بالظبط بيحبوا بلدهم وحاسين بالامها ومعاناة الناس رغم اني عارفة رايكم فيهم ورأيي انا كمان فيهم انهم ناس مش كويسين

معاد الاضراب قرب وانا جيت عشان اقولكم احنا متشكرين انكم بتضحوا بنفسكم عشانا كلنا انتوا نعم الشباب لبلدي وربنا معاكو وشدوا حيلكو

الوسوم:

About محمد محمود

بكره اكيد جاي اجمل بايدينا

4 responses to “زوجة ضابط بامن الدولة تبعث برسالة لشباب 6 ابريل”

  1. ahmad khairy says :

    ماكنش يجب نشر هذا الخطاب لسببين
    الأول خسرنا مصدر مهم جدا للمعلومات خاصه أنه متطوع
    الثانى الأحراج اللى هيسببه نشر مثل الخطاب ليها ولزوجها فمن لغته وما ذكر فيه يمكن لهم التعرف على شخصيتهما …..لالالا ….مش كده خالص

  2. KOKO DAM says :

    هل أنتوا متخيلين أن الشعب المصري ممكن يجتمع في يوم واحد لعمل إضراب جماعي في المشـــــــــــــــــــــمــــــــــــــــــش

  3. bastawisi says :

    كدب على فكرة الكلام ده ماحصلش
    ادي اول طريق شباب 6 ابريل كدب

  4. elfergany says :

    بس المفروض انه مكنش يتنشر حاجة زي كدا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: