يوم 6 ابريل اضراب عام لشعب مصر .. حقنا وهناخده

السلام عليكم

لو زهقت من عيشتك المُـرّه خليك إيجابي لو مـــرّه

بجد بلدنا بتنهار على كل المستويات
كفايه ظلم و تعذيب و فساد و رشاوي و محسوبيات
كفايه كوارث في الدويقه و عباره السلام و قطار الصعيد و طياره مصر للطيران

إذا الشعب يوما ً أراد الحياة لابد أن يستجيب القدر
لابــــــــــد لليل أن ينجلى , لابد للقيد أن ينكســـــر

إتخنقت من حال البلد ؟

إتخنقت من الواسطه و الرشاوي و الظلم و الفساد ؟

إتخنقت من طوابير العيش ؟

إتخنقت من المواصلات الزحمه ؟

إتخنقت من المرتبات الضعيفه ؟

إتخنقت من غلاء الأسعار ؟

إتخنقت من قعده البيت أو القهوه من غير شغل ؟

إتخنقت من الحكومه اللي مش حاسه بينا ؟

إتخنقت من الحكومه اللي ماشيه في ديل إسرائيل ؟

إتخنقت من الحكومه اللي قافله المعبر في وش إخواتنا ؟

نفسك تعيش بكرامه في البلد ؟

نفسك لو بتدرس تلاقي تعليم كويس ؟

نفسك لو خلصت دراسه تلاقي شغل ؟

نفسك لو شغال تاخد مرتب يعيّشك ؟

نفسك تحس بالحريه و العدل و الامان في بلدك ؟

نفسك تفضل في بلدك بدل ما تسافر أو تهاجر ؟

لو الحكومه فاكره إنها بتحكم شعب ميت و مش حاسه بينـــــا
إحنا هنحس ببعض و هنقف جنب بعض و هناخد حقنا بإيدينا
بكل تحضّر و إنضباط و سلميّه

يوم 6 إبريل يوم كل المصريين

هنسيب لهم الشوارع فاضيه

مش هانخرج من البيوت

مش هنفتح المحلات و لا الصيدليات

مش هانروح المدراس و لا الكليـات

مش هانروح المصانع و لا الشركات

مش هانشغل التاكسيات و لا الميكروباصات

يوم 6 إبريل كل المصريين هايبقوا إيد واحده و قلب واحد

عايزين مرتبات , عايزين شغل , عايزين حرية , عايزين عدل

6 April 2009إضراب عام لشعب مصــــــــــر

إنشرها لوجه الله على كل أصحابك و زمايلك و جيرانك ع الإنترنت و ف الشارع

شباب حر

شباب بيحب مصر

حركة شباب 6 ابريل

Advertisements

2 responses to “يوم 6 ابريل اضراب عام لشعب مصر .. حقنا وهناخده”

  1. نهى says :

    نعم… نعم… نعم…
    لقد اختنقت
    اختنقت من كل ماسبق وأكثر…
    كلما قرأت أخباراً مصرية أو سمعت أو شاهدت أي أمر يخص مصر… أتألم ويصيبني اليأس والغثيان والقرف والاكتئاب
    ايه الإفتراء ده
    حسبي الله ونعم الوكيل بعدد شعر رأس كل مصري مطحون ومكبل في ساقية لقمة العيش
    طفشونا وهجرونا وفرقونا وذلونا وحطمونا وكبسونا علشان لقمة العيش
    حسبي الله ونعم الوكيل
    نعم للتغيير
    نعم للإضراب
    نعم لاتحاد المعارضة
    يااااااااااااااااااااااااااااااااااااااااااااااارب
    لقد قلت في كتابك الكريم أنك لن تغير ما بقوم حتى يغيروا ما بأنفسهم..
    اللهم أعنا على أن نتغير…
    اللهم بصرنا ووجهنا وبارك لنا في خطواتنا حتى نستحق التغيير
    ويتغير وجه الحياة.. ويتغير وجه مصر… ويزول النظام الظالم الغاشم الكابس على الأنفاس

    عمري 33 سنة وم ساعة ما وعيت ع الدنيا مشفتش نظام غيره… نفسي أشم نسمات التغيير قبل أن أموت

    تحيا الحرية.. يحيا الأمل… يحيا الشرفاء… يحيا الضمير والأمانة والإتقان في العمل
    يحيا الإلتزام والتدين ومراقبة الله عز وجل في كل قول أو عمل واحترام الآخر
    تحيا مصر…
    بكل مواطنيها مهما تعددت مشاربهم وأنماطهم ودياناتهم
    تحيا مصر…

Trackbacks / Pingbacks

  1. EGYPT: A new call for national strike « WORKERS EDUCATION - 28 يوليو 2009

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: