Archive | 16 فبراير 2009

يوم الغضب الطلابى … 21 فبراير.. كارت احمر لكل الحرس الجامعى

يوم الغضب الطلابى … 21 فبراير

 التعليم دايما زي المية و الهوا و أي نظام بيحترم شعبه أقل حاجة لازم يوفرها هي مسكن آدمي و رعاية صحية و تعليم مجاني و دا بيكفله القانون و الدستور في أي دولة .. بس الحال عندنا وصل لإيه ؟.. التعليم أصبح كالمياه المعدنية و الهواء المكيف لا يستطيع أن يحصل عليه أي فرد ، علشان كدا هتفضل قضيتنا الأولى و الأهم جوه الجامعة الدفاع عن جودة التعليم و مجانيته اللي بيكفلها القانون و الدستور .. و حاجة تانية و مهمه جدا هي ان أكيد معظمنا سمع عن حكم محكمة القضاء الإداري بطرد الحرس التابع لوزارة الداخلية من الجامعة و استبدالة بوحدات تابعة لإدارة الجامعة تكون وظيفتها الوحيدة حماية المنشآت بس. الحكم ده لم يتم تنفيذه .. و السؤال ليه ؟.. أول حاجة لأن الأمن ليه دور جوه الجامعة .. يمكن كتير فينا مش حاسس بيه .. بس هو مؤثر جدا ، زي التحكم في تعيين المعيدين و رؤساء الأقسام و عمداء الكليات و حتى أعلى المناصب حسب ولائهم للنظام و تطبيقهم لتعليمات الأمن ، ده غير التحكم في أي نشاط طلابي فكري أو ثقافي أو سياسي يدعوا الطالب أن يفكر أو يحاول التعبير عن رأيه ، و تاني حاجة أن المعني الأول بوجود الأمن من عدمة لم يشارك في الضغط لتنفيذ الحكم ده .. و الحاجة الاكيدة ان الأمن عمره ما هيخرج و تحقق الجامعه استقلاليتها إلا اذا ضغطت جموع الطلاب و حست فعلا بأضرار الأمن جوه الجامعه. و أفضل فرصة نقدر كلنا نضغط علشان نحقق مطالبنا هو يوم 21 فبراير القادم ( يوم الطالب العالمي ) كل الطلبة في العالم بتحتفل في اليوم ده بالطالب المصري اللي فتحت عليه قوات الإحتلال كوبري عباس لما تظاهر من أجل جلاء الإحتلال .. و في احياء ذكرى اليوم ده تعالوا نتجمع كلنا و نعبر عن رأينا و نطالب بحقوقنا يوم 21 فبراير 2009 من أجل جامعة حرة بلا تدخلات أمنية و من أجل تعليم مجاني لكل طالب و حق سكن في المدينة الجامعية لكل طالب مغترب و دعم حقيقي للكتاب الجامعي ولائحة طلابية نزيهه تصون حقوق الطالب في جامعته موعدنا يوم 21 فبراير امام ساحة كلية تجاره بجامعة القاهره الساعه 12 ظهرا و امام الباب الرئيسى لجامعة القاهره الساعه 1 ظهرا و انتظروا باقى التفاصيل طلاب 6 إبريل

 https://shabab6april.wordpress.com

 الجروب الرئيسى لشباب 6 ابريل

 http://www.facebook.com/group.php?gid=9973986703

 جروب طلاب 6 ابريل

 http://www.facebook.com/group.php?gid=19195424868&ref=ts

 للاتصال

 tolab6april@gmail.com

اضراب الشاحنات يصيب بالشلل التام

photo

اصاب اضراب الشاحنات البلاد بالشلل التام في مجال البناء لعدم لقدرة التجار على نقل البضائع من ها واليهم وادى ايضا الى ارتفاع الاسعار في مواد البناء فارتفع سعر الاسمنت الى 800 جنيه  وهذا بعد قرار بمنع المقطورات من البلاد بدون وجود بدل لها ولم يتحرك ساكن للنظام لمواجهه هذه الازمة .

كما ادى الاضراب الى احتكار كميات  من مواد البناء لدى  التجار لرفع سعرها في السوق وبيعها في السوق السوداء .

و كانت هناك تحركات كثيره للشاحنات على طريق مصر اسكنديه الزراعي متجهيين الى الاسكندرية في اليوم الثالث للاضراب بما يؤكد تصعيدهم للاضراب على الطريق الزراعي .

s220091318403

اضراب عام صيدليات مصر

pharmacy

يبدا اليوم اضراب عام للصيدليات في جميع انحاء الجمهوريه احتجاجا على قرار مصلحة الضرائب بإلزام الصيدليات بتوفير دفاتر تحدد بدقة قيمة إيراداتها ومصروفاتها وصافى أرباحها، حتى يمكن محاسبتها ضريبيا من خلالها .

و حددت  النقابة يوم الجمعه الماضي  يوم اضرابها لكنها اجلته الى اليوم الاثنين ويؤكد نقيب الصيادلة اضراب جميع الصيدلايات في الجمهورية حتى ينتهى تعنت اداره الضرائب معهم واضاف عدد من رؤساء فروع النقابة بالمحافظات ان من لا يلتزم بالاضراب سيحول الى اللجنه التاديبيه بالنقابة .

فيما اكد حاتم الجبلي وزير الصحة ان الصيدليات التابعة للوزارة ستكون مؤهلة لصرف الادوية للجماهير طوال فتر الاضراب بدلا من ان يحاول التدخل في المشكلة بين النقابة والضرائب .