حركة شباب 6 ابريل ترحب بمقاطعة احزاب الوفد و التجمع و الناصرى لمؤتمر القله المندسه

حركة شباب 6 ابريل ترحب بمقاطعة احزاب الوفد و التجمع و الناصرى لمؤتمر القله المندسه

رحبت حركة شباب 6 ابريل بمقاطعة احزاب الوفد و التجمع و الناصرى لمؤتمر الحركه الثانى الموازى لمؤتمر الحزب الوطنى و الذى يحمل عنوان مؤتمر القله المندسه . هنا القاهره و ليس الجابون و الذى يعتبر اولى مشاركات الحركه عمليا فى الحمله المصريه ضد التوريث تحت قيادة منسقها الدكتور حسن نافعه

و ذكرت الحركه فى بيانها انها تشكر تلك الاحزاب على مقاطعتها لمؤتمر القله المندسه وخصوصا بعد ذكرهم لحجج واهيه عن مشاركة عبدالحليم قنديل “رغم عدم مشاركته من الأساس” او عدم اهمية مؤتمر الحزب الوطنى.. وان تلك الاحزاب هى التى افسدت الحياه السياسيه فى مصر و افسدت اجيال كامله و اصابت آلاف الشباب بالاحباط بسبب خنوعها و صفقاتها مع الحزب الوطنى من اجل الفوز ببعض المقاعد البرلمانيه وخروجها عن اجماع باقى المعارضه.

و الجدير بالذكر ان الحركه سوف تعقد مؤتمر القله المندسه الثانى فى اواخر اكتوبر الحالى تحت عنوان هنا القاهره و ليس الجابون و يتكون من مؤتمر افتراضى على الانترنت لمدة ثلاثة ايام و ينتهى بجلسه ختاميه على ارض الواقع و يستضيفها حزب الجبهه الديمقراطيه فى مقره بالمهندسين بعد رفض نقابتى الصحفيين و المحاميين و عدد من الفنادق و المسارح بسبب رفض الجهات الأمنيه.

وسوف يتحدث المؤتمر فى عدد من المحاور مثل الاقتصاد و التعليم و الصحه و الاسكان و حقوق الانسان و يستضيف عدد من الشخصيات السياسيه و الاكاديميه سواء على المؤتمر الافتراضى على موقع الحركه او فى الجلسه الختاميه مثل د.أيمن نور و د. اسامه الغزالى حرب و النائب محمد انور السادات و المهندس ابوالعلاماضى ود.ممدوح حمزه و د.يحى الجمل و جورج اسحاق و الاستاذه سكينه فؤاد و الاستاذ جمال عيد وأحمد سيف الاسلام
ونادر فرجانى – جلال أمين – إلهامى الميرغنى – جودة عبد الخالق و فهمى هويدى – وإبراهيم زهران – والسفير إبراهيم يسرى والعديد من الشخصيات العامه و الاكاديميه و السياسيه

كما بدات الحركه فى تجهيز طرحها الخاص للخروج من الازمه الحاليه و الذى سيكون مفاجأه الحركه التى سيتم تقديمها فى المؤتمر الذى يعتبر تعتبره الحركه اولى مشاركه عمليه فى الحملة المصريه ضد التوريث .

للمزيد من المعلومات

الجروب الرئيسى على الفيسبوك
http://www.facebook.com/group.php?gid=9973986703

البث التجريبى لموقع شباب 6 ابريل
http://6april.org

المجموعه البريديه لشباب 6 ابريل نرجوا الاشتراك الآن
http://groups.yahoo.com/group/shabab6april
/

مدونة شباب 6 ابريل
http://shabab6april.wordpress.com

خدمة تويتر لشباب 6 ابريل
اشترك على تويتر و اعمل تتبع لشباب 6 ابريل
وتوصلك اخبارنا على طول
http://twitter.com/shabab6april

الايميل الرسمى للحركه
shabab6april.mov@gmail.com

0102864919

0110479445

يعنى إيه القله المندسه

مصطلح القله المندسه بتسمعه فى النشره او بتقراه فى الجرايد بعد الاحداث الكبيره

لما بتلاقى تزوير فاضح للإنتخابات و تلاقى ناس بتعترض .. تلاقى حكومة الحزب الوطنى تقولك دول قله مندسه

و لما تلاقى ناس تعترض على زيادة الأسعار.. تلاقى حكومة الحزب الوطنى بتقول فى اجهزة الاعلام إن دول قله مندسه

و لما تلاقى ناس بتقف ضد الظلم .. برضه يقولوك سيبك منهم دول قله مندسه

و لما تلاقى ناس بتطالب بحقوق الناس و تفضح فساد رجال اعمال الحزب الوطنى .. برضه هايقولولك عليهم دول قله مندسه

العمال و الموظفين و المدرسين اللى بيطالبوا بحقوقهم كل يوم … هايقولوك عليهم قله مندسه

و كل الاحزاب و الحركات و التيارات من اليمين لليسار
الوفد و التجمع و الناصرى و الغد و الجبهه
الاخوان المسلمين و كفايه
شباب 6 ابريل
كل التيارات و الافكار
ليبراليين و اشتراكيين و ناصريين و اسلاميين

برضه حكومة الحزب الوطنى بتسميهم قله مندسه

حتى آلاف العمال و آلاف الموظفين اللى بيعملوا اضرابات كل يوم علشان يطالبوا بحقوقهم المشروعه .. بيقولوك عليهم دول قله مندسه

رغم إن الاغلبيه اللى بيزعمها الحزب الوطنى … جايه أساسا من تزوير الانتخابات و البلطجه و استغلال موارد الدوله بطريقه غير مشروعه

يعني حزب الاغلبيه الوهميه مش اكتر

ده معنى القله المندســـــه

نيجي لـ هنا القاهره وليس الجابون .. واشمعنى الجابون
أولا الجابون دي بلد افريقيه .. رئيسها تقريبا حكمها لما يقارب اربعين عاما .. يعني فضل كاتم على نفسهم
(ادي اول تشابه)

ثانيا لما مات الرئيس عمر بونجو اترشح ابنه عن الحزب الوطني الديمقراطي الجابوني
- ما اسموش كده طبعا – لكن دي اشاره للحزب الحاكم هناك اللي ابن الديكتاتور الجابوني اترشح عنه وفاز
(تاني تشابه)

المعارضه بتاعتها كانت شغاله تصريحات هنعمل وهنسوي ومش هيحصل التوريث ومش هنسمح بيه .. شو اعلامي مش اكتر
(تالت تشابه)

الشعب الجابوني كان نايم في العسل ومش فارق معاه مين يمسك ومين يفوز او كان مهيأ للحظه زي دي من فتره طويله انه وقت التوريث يكون في حاجات تاني شاغلاه
(رابع تشابه)

لما فاز ابن الرئيس بدأت المظاهرات والاحتجاجات والمعارضه نزلت الشارع وقعدت تقول الانتخابات مزوره .. لازم تتعاد ده رئيس جاي على عكس ارادة الشعب .. وشوية لوك لوك وكلام فاضي وكام شو اعلاني من قيادات المعارضه ونشجب وندين ونستنكر .. ومر التوريث واحزاب المعارضه انضملهم كام عضو جديد وعملوا شو واسم وشهره وخلص الموضوع على كده

طبعا التشابه والمقارنه هنا مش في ان جمال مبارك مسك ولا ان التوريث حصل عندنا زي ما حصل في الجابون .. لكن معنى الجمله الاعتراضيه اننا بنوصل رساله للشعب واحزاب المعارضه .. اننا ضد ان اللي حصل في الجابون يحصل هنا في القاهره

ما نستناش احنا لما الانتخابات تتعمل وتتزور وجمال مبارك يورث حكم العزبه وبعدين المعارض هتنزل تستنكر وتهتف والانتخابات مزوره وكام شو اعلامي وخلاص

احنا نمنع التوريث ، مش نستنى لما يحصل وبعدين نحاول نلغيه لازم كل فئات الشعب تتحد ولازم نقف كلنا في وجه التوريث من قبل ما يحصل .. التوريث لو حصل خلاص مش هنقدر نعمل اي حاجه ومش هيكون في اي وسيله او تصرف علشان نرجع بالزمن لورا

لايفيد البكاء على اللبن المسكوب
لا يفيد النوح والاستنكار بعد التوريث

هنا القاهره وليس الجابون

يستمر المؤتمر لثلاثة أيام

اليوم الأول والثاني على الانترنت مباشرة من موقع شباب 6 ابريل
http://www.6april.org/anti-ndp/

اليوم الثالث على ارض الواقع بمقر حزب الجبهة الديمقراطيه بالمهندسين .. بعد رفض نقابتي المحامين والصحفيين وجميع المسارح والفنادق استضافة المؤتمر استجابة لأوامر اجهزة أمن مبارك

المؤتمر يبدأ من يوم 31 أكتوبر بالتزامن مع بداية مؤتمر الحزب الوطني السنوي وينتهي يوم 2 نوفمبر

الجمعه 14 اغسطس غذاء و حفله و قعدة تعارف و ترتيب افكار

الجمعه 14 اغسطس .. غذاء و حفله و قعدة ترتيب افكار و تعارف

3.00 لغاية 4.00 غذاء بس المفاجاه انه ديش بارتى .. يعنى مش عزومه
و كل واحد يجيب معاه صنف اكل خفيف .. و لو حتى سندوتشات او بطاطس او بيبسى او اطباق او ميه او شوك او اى حاجه
و اللى مش هايقدر يجيب … مش مشكله

من 4.00 لغاية 6.30 بعد الغدا هانعمل حفله غنائيه و نغنى اغانى سيد درويش و الشيخ امام على انغام العود

من 7.00 لغاية 9.00 هانقعد فى قعدة نقاش مفتوح و تعارف

الدعوه مفتوجه لاعضاء الحركه الحقيقيين فى القاهره و المحافظات

و مفتوحه كذلك لكل اللى عايز يتعرف علينا او متطوعين فى الحملات او متعاطفين و كل اصدقاء الحركه

المكان
مجمع نور الثقافى
ميدان باب الشعريه

ولا صحه لما نشر فى بعض الصحف على لسان بعض الافراد المجهولين بخصوص عقدهم لانتخابات بإسم الحركه فى نفس اليوم
وليس لنا علاقه بتلك الانتخابات المزعومه ولا تمثل الحركه فى شىء

يعنى ايه واسطتك مصريتك .. يعنى خليك ايجابى .. شارك معانا

يعنى ايه واسطتك مصريتك؟

يعنى انت مصرى و هى دى واسطتك الوحيده

يعنى انت ليك حقوق فى البلد دى و من حقك تاخدها

يعنى انت مش لازم تجيب كارت من الباشا فلان علشان تخلص مصالحك

يعنى انت زى ما بتدفع ضرايب من حقك تلاقى الخدمات اللى من حقك و اللى بيكفلها الدستور و القانون

يعنى انت لازم تتحرك و تكون ايجابى و تطالب بحقك علشان لو ساكت عليه محدش هايديهولك

يعنى لما تشوف فساد ماتسكتش

يعنى لازم تكون عارف ان كل المسئولين و الموظفين  اللى فى البلد لازم يكون هدفهم خدمتك لإن دى وظيفتهم اللى بيتقاضوا عليها مرتباتهم من ميزانية الدوله اللى انت بتساهم فيها بالضرايب و الرسوم .. و لو مش عارفين يشوفوا شغلهم يبقى يتم استبدالهم بالأكفأ

يعنى لما تشوف واسطه و محسوبيه تتكلم و تطالب بحقوقك و تصر عليها

يعنى انت من حقك تعيش فى مجتمع نضيف و منظم

يعنى لازم تكون ايجابى و تغير الواقع السىء اللى انت عايش فيه

يعنى نكف الظالم عن ظلمه و الفاسد عن فساده

يعنى يكون ليك صوت مسموع و حق فى المشاركه فى اتخاذ القرار

يعنى مساواه بين كل الناس

يعنى محدش ياخد حق مش ليه بسبب فلوسه او واسطه من احد الباشاوات

طيب ايه فوايدها؟

فوايد الحمله اننا نغير مع الناس الواقع السىء اللى هما عايشين فيه و ننشر الايجابيه فى كل مكان

و نكون مع الناس و نبدا بحملات توعيه بالحقوق

و نحاول نساعد فى بعث الايجابيه عند كل الناس و نساهم فى ايجاد مجتمع واعى بالحقوق يسعى للتغيير

و نكون وسط الناس نحس بمشاكلهم و نغير معاهم

يعنى انتوا عملتوا ايه لغاية دلوقتى

احنا دلوقتى فى المرحله الاولى للحمله .. النشر الاعلامى و التسويق

و شغالين فى استطلاع رأى و نشوف الناس عايزين ايه

احنا ماينفعش نفرض على الناس شكل معين .. ولا ينفع ننزل على الناس بالبراشوت .. ولا ينفع نتكلم مع الناس بأسلوب فوقى و نديهم تعليمات

لازم نشتغل مع الناس .. و نتكلم معاهم و نفهمهم

بعد مرحلة التسويق و استطلاع الراى و معرفة اهم المشاكل و طرق حلولها المتاحه

هانبدا ننزل مع الناس

و نتحرك معاهم

بالتأكيد مش لوحدنا

فيه شباب كتير نفسهم يساهموا فى مشروع التوعيه و نشر الايجابيه

فيه جمعيات و احزاب و منظمات و مراكز حقزقيه كتير ممكن تساعد

هانتحرك فى كل الاتجاهات

و هاندعم الناس بكل الطرق

طيب ايه مجالات المشاركه و انا ممكن اشارك معاكوا ازاى؟؟

ممكن تعمل حاجات كتيير قوى

دى بعض الامثله

و انت كمان ممكن تفكر و تبتكر

** ممكن تساعد فى نشر الفكره على اوسع نطاق

** ابعت استطلاع الرأى فى كل مكان

** ابعت لينكات الحمله فى كل مكان

** ممكن تساعد بإعداد فيديو عن مشكله فى منطقه معينه

** ممكن يكون ليك واحد صاحبك فى جمعيه اهليه ممكن نتعاون معاها

** ممكن يكون ليك معارف فى جمعيات او مراكز او احزاب تحب تساعد

** ممكن تكون صحفى او تعرف حد صحفى

** ممكن تساعد فى الحمله الدعائيه للحمله بتصميم ستيكر او فيديو او اغنيه تحمس الناس

** ابعت لكل صحابك على الفيسبوك و عرفهم بالفكره و حاول تقنعهم

** جرب تكلم صحابك و جيرانك على الفكره

** اطبع استطلاع الرأى و حاول توزعه فى نطاق ضيق

** ممكن تحضرلنا تقرير او خطة عمل فى اى مكان تعرفه أو عن اى مشكله تعرفها

** فكر معانا فى افكار جديده

خليك ايجابى .. إوعى تقول مفيش فايده

شباب 6 ابريل … الاصدار الثانى

ادخل على الجروب الاصلى للحركه

http://www.facebook.com/group.php?gid=9973986703&ref=nf

مدونة الحركه

http://shabab6april.wordpress.com

تابع اولى فيديوهات الحمله

http://www.youtube.com/watch?v=n-oZXKdt3os

ابعتلنا بياناتك او تخصصك او اقتراحاتك

Shabab6april.mov@gmail.com

أو كلمنا

0110479445

إوعى تخاف .. و خليك ايجابى

أو كلمنا

ابعت النموذج على الانترنت أو اطبعه و جرب تشوف رأى الناس

حملة واسطتك مصريتك
مشروع نشر الإيجابيه فى الشارع المصرى
شارك معنا فى الحمله بنشر استطلاع الرأى فى كل مكان
انشر الفكره بين جيرانك وزملائك فى العمل و اهلك و اصدقائك

شارك فى الخطوه التمهيديه للحمله بنشر استطلاع الرأى الكترونيا و فى الحى الذى تسكن فيه او فى مقر عملك أو جامعتك او مدرستك

جرب تطبعه و تعرضه على زملائك او اهلك او اصحابك او جيرانك

جرب تبعته لكل الايميلات اللى فى قايمتك

خليك انت كمان ايجابى

للتواصل

shabab6april.mov@gmail.com

شارك معنا فى حملة واسطتك مصريتك

حملة واسطتك مصريتك
مشروع نشر الإيجابيه فى الشارع المصرى
شارك معنا فى الحمله بنشر استطلاع الرأى فى كل مكان
انشر الفكره بين جيرانك وزملائك فى العمل و اهلك و اصدقائك

شارك فى الخطوه التمهيديه للحمله بنشر استطلاع الرأى الكترونيا و فى الحى الذى تسكن فيه او فى مقر عملك أو جامعتك او مدرستك

———————————————————————-

استطلاع الرأى لحملة واسطتك مصريتك

إذكر اهم 3 مشاكل تقابلهم فى المنطقه السكنيه التى تقيم بها :

1-

2-

3-

إذكر تصورك الشخصى لكيفية حل كل مشكله

———————————————
معلومات إختياريه

الاسم

السن

المحافظه

المنطقه السكنيه

طبيعة العمل او نوع التعليم

وسيلة الاتصال

————————————————————————
للتواصل مع الحمله و الاشتراك

http://shabab6april.wordpress.com

http://www.facebook.com/group.php?gid=9973986703#/topic.php?uid=9973986703&topic=23792

Reply to Your PostDelete Post

هانعمل إيه لغاية يوم 6 ابريل.. و هانعمل ايه يوم 6 ابريل

هانعمل ايه لغاية يوم 6 ابريل القادم
====================

1- ابعت لينك الجروب ده لكل زمايلك على الفيسبوك
2- اكتب توبيك و اكتب الدعوه و لينك الجروب فى كل الجروبات اللى مشترك فيها على الفيسبوك
3- اكتب توبيك و اكتب الدعوه و لينك الجروب فى كل المنتديات و كل المواقع اللى تعرفها
4- ابعت لينك الموقع و المدونه و الجروب على الايميل لكل صحابك
5- ضحى بعشرين جنيه و ابعت رسايل لكل اللى متسجلين عندك على التليفون
6- هات طباشير او اسبراي و اكتب على اى مكان تلاقيه ينفع
7- اكتب على الفلوس اللى معاك عباره واحده
اضراب 6 ابريل 2009 .. حقنا و هناخده
8- اتكلم مع كل صحابك و قرايبك و اقنعهم بالفكره و اقنعهم بضرورة عمل احجتجاجى للضغط على الحكومه

9- افتح حوار عفوى و انت راكب اى مواصله و اتكلم انك سمعت من الناس عن اضراب 6 ابريل2009

10- ضحى ب 10 جنيه و صور الدعوه لليوم بما فيهم طرق النشر و كل يوم الصبح بدرى سيب نسخه على كل مساحة عربيه  تقابلها و سيب نسخه على كل باب بيت فى عمارتكم او عمارات قريبه.. و ماتنساش لينك المدونه

—————-
هانعمل ايه يوم 6 ابريل
=============

1- لو طالب يبقى روح الجامعه بس إعمل اضراب عن الدراسه و قاطع حضور المحاضرات .. و طالب مع زمايلك فى اليوم ده
بحقوقك المشروعه فى التعليم

2- لو موظف يبقى تروح شغلك أو مصنعك و تعلن اضرابك عن العمل و تدعوا باقى الموظفين للاضراب حتى يتم اجابة مطالبكم الفئويه

3- ممكن تشترك فى التظاهرات السلميه اللى اعلن عنها فى القاهره و انتظر اعلان المحافظات .. و ممكن تنظم مع المتحمسين للفكره أى وقفه احتجاجيه سلميه فى اى ميدان لعرض أى مطالب

4- جمع اهل منطقتك و جمعوا مطالبكم و مشاكلكم و اطلعوا بيها على مقر الحى او الوحده المحليه او المحافظه و طالب بحقوقك المشروعه بصوره سلميه

5- لو مش طالب ولا موظف أو لو مش هاتعرف تعمل اللى فات.. يبقى خليك فى البيت

6- اثناء نزولك فى الشارع او مشاركتك فى الانشطه او لو حتى مش هتشارك .. يبقى البس اسود فى اليوم ده

7- تعلق علم مصر على البلكونه

9-متشتريش اي حاجة اليوم ده

10- تابعنا باستمرار علشان تعرف اى انشطه جديده

يوم الغضب الطلابى … 21 فبراير.. كارت احمر لكل الحرس الجامعى

يوم الغضب الطلابى … 21 فبراير

 التعليم دايما زي المية و الهوا و أي نظام بيحترم شعبه أقل حاجة لازم يوفرها هي مسكن آدمي و رعاية صحية و تعليم مجاني و دا بيكفله القانون و الدستور في أي دولة .. بس الحال عندنا وصل لإيه ؟.. التعليم أصبح كالمياه المعدنية و الهواء المكيف لا يستطيع أن يحصل عليه أي فرد ، علشان كدا هتفضل قضيتنا الأولى و الأهم جوه الجامعة الدفاع عن جودة التعليم و مجانيته اللي بيكفلها القانون و الدستور .. و حاجة تانية و مهمه جدا هي ان أكيد معظمنا سمع عن حكم محكمة القضاء الإداري بطرد الحرس التابع لوزارة الداخلية من الجامعة و استبدالة بوحدات تابعة لإدارة الجامعة تكون وظيفتها الوحيدة حماية المنشآت بس. الحكم ده لم يتم تنفيذه .. و السؤال ليه ؟.. أول حاجة لأن الأمن ليه دور جوه الجامعة .. يمكن كتير فينا مش حاسس بيه .. بس هو مؤثر جدا ، زي التحكم في تعيين المعيدين و رؤساء الأقسام و عمداء الكليات و حتى أعلى المناصب حسب ولائهم للنظام و تطبيقهم لتعليمات الأمن ، ده غير التحكم في أي نشاط طلابي فكري أو ثقافي أو سياسي يدعوا الطالب أن يفكر أو يحاول التعبير عن رأيه ، و تاني حاجة أن المعني الأول بوجود الأمن من عدمة لم يشارك في الضغط لتنفيذ الحكم ده .. و الحاجة الاكيدة ان الأمن عمره ما هيخرج و تحقق الجامعه استقلاليتها إلا اذا ضغطت جموع الطلاب و حست فعلا بأضرار الأمن جوه الجامعه. و أفضل فرصة نقدر كلنا نضغط علشان نحقق مطالبنا هو يوم 21 فبراير القادم ( يوم الطالب العالمي ) كل الطلبة في العالم بتحتفل في اليوم ده بالطالب المصري اللي فتحت عليه قوات الإحتلال كوبري عباس لما تظاهر من أجل جلاء الإحتلال .. و في احياء ذكرى اليوم ده تعالوا نتجمع كلنا و نعبر عن رأينا و نطالب بحقوقنا يوم 21 فبراير 2009 من أجل جامعة حرة بلا تدخلات أمنية و من أجل تعليم مجاني لكل طالب و حق سكن في المدينة الجامعية لكل طالب مغترب و دعم حقيقي للكتاب الجامعي ولائحة طلابية نزيهه تصون حقوق الطالب في جامعته موعدنا يوم 21 فبراير امام ساحة كلية تجاره بجامعة القاهره الساعه 12 ظهرا و امام الباب الرئيسى لجامعة القاهره الساعه 1 ظهرا و انتظروا باقى التفاصيل طلاب 6 إبريل

 http://shabab6april.wordpress.com

 الجروب الرئيسى لشباب 6 ابريل

 http://www.facebook.com/group.php?gid=9973986703

 جروب طلاب 6 ابريل

 http://www.facebook.com/group.php?gid=19195424868&ref=ts

 للاتصال

 tolab6april@gmail.com

مظاهرة أمام السفارة الأمريكية من أجل غزة

اتفقت مجموعة من القوى الوطنية على تنظيم مظاهرة أمام السفارة الأمريكية يوم الخميس الموافق 15 يناير القادم وهي حركة شباب 6 إبريل – حزب العمل – حركة اليسار المصري المقاوم ( والقائمة في ازدياد )

تأتي هذه المظاهرة لتعبر عن رفض الشعب المصري لتحالف أمريكا مع إسرائيل في مجزرتها بقطاع غزة ، حيث تقوم أمريكا بمد إسرائيل بالقنابل الفسفورية المحرم دوليا استخدامها أمام المدنيين

شارك من  أجل أطفال غزة

ومازالت المظاهرات مستمرة ،،،،،،،،،،،،،،،،

انتظروا المزيد،،،،،،،،،،،،،،،

حركة شباب 6 إبريل

مظاهره لشباب 6 ابريل فى ميدان التحرير الثلاثاء 30 ديسمبر الساعه 12 ظهرا

الثلاثاء 30 ديسمبر
مظاهره فى مديدان التحرير
الساعه 12 ظهرا
من اجل غزه المحاصره
ضد المذابح الاسرائيليه
ضد تخاذل و خيانة نظام مبارك
ضد تصدير الغاز لاسرائيل
ضد حصار نظام مبارك لغزه

شباب 6 ابريل
شباب بيحب مصر
http://www.facebook.com/group.php?gid=9973986703

http://shabab6april.wordpress.com

اهم الفاعليات القادمه بداية من 18 نوفمبر

اهم الفاعليات القادمه  بداية من 18 نوفمبر
الثلاثاء 18 نوفمبر جلسة وقف بيع الغاز لاسرائيل فى محكمة مجلس الدوله بالدقى
http://www.facebook.com/event.php?eid=52278536480

الاربعاء 19 نوفمبر مظاهره كبرى فى جامعتى القاهره و حلوان للمطالبه بالحقوق الطلابيه
http://www.facebook.com/topic.php?uid=9973986703&topic=15434

انضم بسرعه لحملة التوعيه فى الشارع بالمشاركه السياسيه
http://www.facebook.com/group.php?gid=9973986703#/topic.php?uid=9973986703&topic=15510

انضم للحمله المضاده للتفريط فى اصول مصر
http://www.facebook.com/topic.php?uid=9973986703&topic=15513

لو انت مدون انضم بسرعه لاتحاد مدونى شباب 6 ابريل و خليك مدون ابريلى
http://www.facebook.com/board.php?uid=9973986703#/topic.php?uid=9973986703&topic=15381

توبيكات مناقشة الرؤيه و الهدف و الوسائل
http://www.new.facebook.com/topic.php?uid=9973986703&topic=14093

http://www.new.facebook.com/topic.php?uid=9973986703&topic=14101

هام جدا.. السبت 8 نوفمبر على جميع شباب 6 ابريل التواجد فى محكمة طنطا من الصباح الباكر

هام جدا.. السبت 8 نوفمبر على جميع شباب 6 ابريل التواجد فى محكمة طنطا من الصباح الباكر

هناك قضية معتقلى المحله

الناس الغلابه اللى لبسوهم الليله علشان يخوفوهم  بعد ما وقفوا وقفة رجاله و خرجوا مع بعض و الامن كسرلهم البلد بالبلطجيه .. زى ما الامن حرق امبارح حزب الغد بالبلطجيه

السبت 8 نوفمبر لازم نكون هناك ضد بلطجة ظباط الداخليه

اللى غلط غلطه يتحمل عواقبها

كلنا ايد واحده ضد اى ظلم او بلطجه

لينا او لغيرنا

بكره احتفالية عيد الحب.. اوعى يفوتك اليوم ده

بكره 4 نوفمبر هانتجمع  على الكورنيش الساعه 4.30 و نغنى بالاعلام فى حب مصر بدون اى قلق

بكره يوم فى حب مصر

عايزين نوصل لكل الشباب اللى فى مصر ان العيب مش فى مصر… العيب فى الفاشلين

اوعى تقول مصر وحشه…. قول حكومه فاشله و حزب فاشل

و للتأكيد تانى

بكره مش مظاهره ولا وقفه

بكره احتفالية يوم حب مصر  4 نوفمبر

الساعه 6 هانطلع على حديقة الفسطاط

هانغنى اغانى وطنيه فى حب مصر

محتاجين حد يحول الاغانى دى لسى دى اوديو

و لو عندك اغانى زياده .. يا ريت

خصوصا للشيخ امام  او سيد درويش

محتاجين متطوعين بكره معانا
الاول ينزلو الاغانى دى
و يحولوها من
mp3
ل
audio

و يجيبوها على سى دى
علشان تشتغل على الدى جى فى الفسطاط

و تنبيه اخير
بكره مش مظاهره
بكره احتفاليه لرفع الانتماء عند الشباب المصرى اللى نفسه يهرب بره مصر
بكره يوم فى حب مصر

يا ريت الناس كلهم يقدروا ييجوا و يشاركوا معانا
هايبقى يوم حلو بجد

فدائى للراحل:العندليب الأسمر عبد الحليم حافظ
http://www.4shared.com/file/46000543/4dceefe0/__mp3.html?dirPwdVerified=f274ad4

أوبريت الأرض الطيبة أوصوت بلادى أو رجالة وطول عمر ولادك يابلدنا رجالة للمجموعة وتلحين محمد عبد الوهاب
http://www.4shared.com/file/46135509/72559abd/__online.html?dirPwdVerified=f274ad4

أغنية أحبها يهتز قلبى عندما يقال مصر لشادية
http://www.4shared.com/file/46198597/fcf5cc8f/_____.html?dirPwdVerified=f274ad4

أغنية ياحبيبتى يامصر لشادية
http://www.4shared.com/file/46295598/18b47b6d/___online.html?dirPwdVerified=f274ad4

أغنية وحياة رب المداين لشادية
http://www.4shared.com/file/46294721/39a4a909/__online.html?dirPwdVerified=f274ad4

أغنية مصر اليوم فى عيد لشادية
http://www.4shared.com/file/46295864/9e42b8da/___.html?dirPwdVerified=f274ad4

رائعة فايزة أحمد .. بحبك يامصر
http://www.4shared.com/file/46389939/20ac1fb8/___online.html?dirPwdVerified=f274ad4

أغنية يابوى يامصر لمحمد الحلو
http://www.4shared.com/file/46390394/e90d6863/___online.html?dirPwdVerified=f274ad4

أغنية مصر هى أمى لعفاف راضى
http://www.4shared.com/file/46391206/6fbfbf54/___online.html?dirPwdVerified=f274ad4

أغنية ياأغلى إسم فى الوجود لنجاح سلام
http://www.4shared.com/file/46391553/67eda91b/____.html?dirPwdVerified=f274ad4

رائعة شريفة فاضل أم البطل
http://www.4shared.com/file/46412586/9de9f74e/__online.html?dirPwdVerified=d2dfee06

نشيد بلادى لسيد درويش
http://www.4shared.com/file/46412825/f6d7dd2d/_online.html?dirPwdVerified=d2dfee06

أغنية حلوة بلادى السمرا (وأنا على الربابة بغنى ) لوردة
http://www.4shared.com/file/46412949/a8f95cb7/___online.html?dirPwdVerified=d2dfee06

أحلف بسماها وبترابها .. لعبد الحليم حافظ
http://www.4shared.com/file/46413653/e2d7a4b0/___online.html?dirPwdVerified=d2dfee06

عاش اللى قال .. لعبد الحليم حافظ
http://www.4shared.com/file/46413965/2bc5157b/___online.html?dirPwdVerified=d2dfee06

أوبريت وطنى الأكبر للمجموعة وتلحين محمد عبد الوهاب
http://www.4shared.com/file/46414858/e24c688b/__online.html?dirPwdVerified=d2dfee06

أغنية المصريين أهم .. لياسمين الخيام
http://www.4shared.com/file/46415383/74d947ca/__online.html?dirPwdVerified=d2dfee06

مبروك . مبروك . مبروك علينا وعليكم .. لياسمين الخيام
http://www.4shared.com/file/46415492/1f8a5098/___online.html?dirPwdVerified=d2dfee06

أغنية مصر ياأول نور فى الدنيا .. للفنان محمد ثروت
http://www.4shared.com/file/46516559/fcc6d060/________.html?dirPwdVerified=d2dfee06

أغنية مصريتنا قوميتنا .. للفنان محمد ثروت
http://www.4shared.com/file/46516815/99c4ca1c/__online.html?dirPwdVerified=d2dfee06

أغنية مصر جديدة .. للفنان محمد ثروت
http://www.4shared.com/file/46517094/90b5465f/__online.html?dirPwdVerified=d2dfee06

رائعة محمد ثروت وهانى شاكر .. أغنية بلدى
http://www.4shared.com/file/46517813/c81b084c/_online.html?dirPwdVerified=d2dfee06

أغنية حى على الفلاح .. لمحمد عبد الوهاب
http://www.4shared.com/file/46649831/ba88810f/___online.html?dirPwdVerified=d2dfee06

أغنية حب الوطن فرض على .. لمحمد عبد الوهاب
http://www.4shared.com/file/46711558/5bde7944/__online.html?dirPwdVerified=d2dfee06

أغنية دقت ساعة العمل الثورى .. لمحمد عبد الوهاب
http://www.4shared.com/file/46711864/719df5ff/___online.html?dirPwdVerified=d2dfee06

أغنية علمتينا الحب .. لمحمد عبد الوهاب
http://www.4shared.com/file/46713103/1c7b34de/__online.html?dirPwdVerified=d2dfee06

أغنية قولوا لمصر .. غناء المجموعة مع محمد عبد الوهاب
http://www.4shared.com/file/46713264/d603b8a2/__online.html?dirPwdVerified=d2dfee06

أوبريت الجيل الصاعد . غناء المجموعة مع محمد عبد الوهاب
http://www.4shared.com/file/46713443/7edc3331/__online.html?dirPwdVerified=d2dfee06

أوبريت صوت الجماهير.غناء المجموعة مع محمد عبد الوهاب
http://www.4shared.com/file/46713566/3d42cf0b/__online.html?dirPwdVerified=d2dfee06

أغنية نسيم الحرية .. لمحمد عبد الوهاب
http://www.4shared.com/file/46713666/3f047152/__online.html?dirPwdVerified=d2dfee06

أغنية النسر المصرى شق السما .. لعلى الحجار
http://www.4shared.com/file/47059689/10773ce5/___.html?dirPwdVerified=d2dfee06

أغنية مدد مدد .. لمحمد نوح
http://www.4shared.com/file/47059976/c0c7a86/___online.html?dirPwdVerified=d2dfee06

مينتهيش الدرس فى أكتوبر .. كورال لفرقة عمر خيرت
http://www.4shared.com/file/47060573/4fd44237/___.html?dirPwdVerified=d2dfee06

بسم الله . الله أكبر . بسم الله … للمجموعة
http://www.4shared.com/file/47060666/24e339a0/___.html?dirPwdVerified=d2dfee06

السادس من أكتوبر . العاشر رمضان .. للمجموعة
http://www.4shared.com/file/47060709/e3c4e980/___-___.html?dirPwdVerified=d2dfee06

تعيشى يابلدى .. للمجموعة
http://www.4shared.com/file/47060788/5c1a531e/__online.html?dirPwdVerified=d2dfee06

إحنا ولاد الحرية … للمجموعة
http://www.4shared.com/file/47060972/31c98bc5/___online.html?dirPwdVerified=d2dfee06

إسلمى يامصر إننى الفدا .. للمجموعة
http://www.4shared.com/file/47061192/19e59096/___.html?dirPwdVerified=d2dfee06

أوبريت عشتى يامصر .. للمجموعة
http://www.4shared.com/file/47061244/476ef5b7/__online.html?dirPwdVerified=d2dfee06

الله أكبر فوق كيد المعتدى .. للمجموعة
http://www.4shared.com/file/47061328/1940742d/_____.html?dirPwdVerified=d2dfee06

رايحين شايلين فى ايدنا سلاح . راجعين رافعين رايات النصر .. للمجموعة
http://www.4shared.com/file/47061579/17bdcc4c/_online.html?dirPwdVerified=d2dfee06

دويتو رائع جداً لا أعرف اسم من يغنيه واسمه ..مصر ياأم الدنيا
http://www.4shared.com/file/47061747/d8ac66e6/___online.html?dirPwdVerified=d2dfee06

وتعيشى ياضحكة مصر .. للمجموعة
http://www.4shared.com/file/47062415/5b26e238/oghneiah_1.html?dirPwdVerified=d2dfee06

أغنية عظيمة يامصر … لوديع الصافى
http://www.4shared.com/file/47062712/c704c9c2/__online.html?dirPwdVerified=d2dfee06

سلمولى على مصر سلمولى … صباح
http://www.4shared.com/file/47062784/ffa5d7be/___online.html?dirPwdVerified=d2dfee06

أفديكى يابلدى … محمد رشدى
http://www.4shared.com/file/47062962/82db720f/__online.html?dirPwdVerified=d2dfee06

أدهم الشرقاوى … محمد رشدى
http://www.4shared.com/file/47063116/7c58160c/__online.html?dirPwdVerified=d2dfee06

على بالى … عايدة الأيوبى
http://www.4shared.com/file/47063163/43737444/__online.html?dirPwdVerified=d2dfee06

ياصباح النصر يامصريين .. لفايزة أحمد
http://www.4shared.com/file/47121099/b129564c/___online.html?dirPwdVerified=d2dfee06

وحياتك عندى يابلدى … محرم فؤاد
http://www.4shared.com/file/48262355/8185e05b/___online.html?dirPwdVerified=d2dfee06

مصر لم تنم … محرم فؤاد
http://www.4shared.com/file/48262628/b6bec8ca/___online.html?dirPwdVerified=d2dfee06

واصل سيرك يابطل … محرم فؤاد
http://www.4shared.com/file/48262768/d31067f9/___online.html?dirPwdVerified=d2dfee06

أنا رايح أتطوع فدائى … محرم فؤاد
http://www.4shared.com/file/48263177/e68550fe/___.html?dirPwdVerified=d2dfee06

سمراء النيل … ماجدة الرومى
http://www.4shared.com/file/48264120/984109a1/__online.html?dirPwdVerified=d2dfee06

أرض سينا … عبد الحليم حافظ
http://www.4shared.com/file/48846812/23e1b84c/__online.html?dirPwdVerified=d2dfee06

إبنك يقولك يابطل … عبد الحليم حافظ
http://www.4shared.com/file/48848648/5402ff2e/___.html?dirPwdVerified=d2dfee06

قومى يامصر…. عبد الحليم حافظ
http://www.4shared.com/file/48850059/c6478314/__online.html?dirPwdVerified=d2dfee06

السبت 1 نوفمبر الساعه 1 ظهرا ..وقفه احتجاجيه امام النائب العام للاحتجاج على اكاذيب الوطنى

السبت 1 نوفمبر الساعه 1 ظهرا ..وقفه احتجاجيه امام النائب العام للاحتجاج على اكاذيب الوطنى

تنظم حركة كفايه و حركة شباب 6 ابريل و قوى وطنيه اخرى وقفه احتجاجيه امام مكتب النائب العام الساعه الواحده ظهرا للاعتراض على اكاذيب الحزب الوطنى

مؤتمر القله المندسه .. ردا على مؤتمر اكاذيب الحزب الوطنى.. ماتصدقش

كل سنه بيقولوا نفس الكلام

كل سنه بيكذبوا نفس الكذب

بقالهم سنين بيكرروا  نفس الكلام عن الفكر الجديد و العبور للمستقبل و الرخاء اللى احنا عايشين فيه و الرفاهيه اللى مش حاسسين بيها

المره دى جايين يعرضوا معجزاتهم اللى حققوها من تشغيل كل العاطلين و حل جميع المشاكل و رفاعيه و نعيم و مشروعات و ديمقراطيه غير مسبوقه فى تاريخ العالم و تعليم ايه و صحة ايه و محاربة فقر و كمان فساد

احنا بقى اللى هانرد عليهم و نفضحهم  فى العالم كله بأراء و أرقام و احصائيات و نعرف كل الناس اللى مش عارفين انهم كذابين .. وان كنا نشك ان فيه لسه ناس مش عارفين كذبهم

هانفضح كذبهم و نفضح فشلهم فى الصحه و التعليم و التنميه و محاربة الفقر و محاربة الفساد و نعرف كل الناس إن الاصلاح الحقيقى ضد مصالحهم.. و إن الفكر الجديد ما هو إلا خدعه و كذبه جديده يضاف لكذبهم من 28 سنه

احنا اللى بيقولوا علينا القله المندسه.. رغم اننا الشعب .. الاغلبيه

مؤتمر الحزب الوطنى…ماتصدقش

تابع معانا مؤتمر القله المندسه الالكترونى… أول مؤتمر افتراضى فى مصر

فى الايام 1 و 2 و 3 نوفمبر

على الموقع

www.anti-ndp.com

برعاية شباب 6 ابريل

تسجيلات حيه

لقاءات جريئه مع كبار المفكرين و العلماء

بيانات للرد على الحزب الوطنى من جميع القوى و الحركات السياسيه الوطنيه

استمع لرأى الناس فى الشارع يردون على اكاذيب انجازات الحزب الوطنى

www.anti-ndp.com

www.anti-ndp.blogspot.com

شباب 6 ابريل

مش هاتعرف تغمض عينيك

الفاعليات القادمه

دى لينكات الشغل القادم فى الفتره اللى جايه
عايزين ننشر اللينكات دى و الايفينتات دى فى كل حته

اهم الفاعليات القادمه حتى الان
قضية وقف بيع الغاز لإسرائيل 7 اكتوبر القادم بمجلس الدوله
http://www.new.facebook.com/group.php?gid=14572634301#/event.php?eid=28040253718

قضية معتقلى 6 ابريل بالمحله الكبرى يوم 11 اكتوبر بمحكمة طنطا
http://www.new.facebook.com/event.php?eid=32647471221

يوم 4 نوفمبر 2008 … يوم فى حب مصر
إوعى تقول بلدنا وحشه … قول حكومه فاشله و حزب فاشل
إنشر لينك الايفينت ده فى كل مكان
http://www.new.facebook.com/editevent.php?guests&eid=41667306412#/event.php?eid=41667306412
عايز تعرف هانعمل ايه؟؟؟ … ادخل التوبيك ده
http://www.new.facebook.com/topic.php?uid=9973986703&topic=14345

يوم 4 نوفمبر.. يوم فى حب مصر.. إوعى تقول مصر وحشه.. قول حكومه فاشله و حزب فاشل

يوم 4 نوفمبر … يوم عيد الحب المصرى
فكره مصريه خالصه للتعبير عن الحب
كل اتنين فى اليوم ده بيجيبوا ورد و دباديب لبعض

عايزين اليوم ده يكون يوم فى حب مصر
كل الشباب يعبروا عن حبهم لمصر
نخليهم يحبوا بلدهم… محدش يشتم فى البلد
اللى عايز يلوم يبقى يلوم الحكومه الفاشله و الحزب الفاشل

اليوم ده ننشره بكل قوتنا زى ما نشرنا فكرة اضراب 6 ابريل و 4 مايو
عايزين ننشر الفكره فى كل حته
على النت فى المدونات و المنتديات و المواقع الاخباريه
و فى الجامعه و على الحيطان و فى الشوارع و الحوارى

أوعى تقول بلدنا وحشه … قول حكومه فاشله و حزب فاشل

عايزين اليوم ده نعبر عن حبنا لمصر بكل الوسائل
نعبر ازاى بقى؟؟؟

ادخل قول رأيك هنا
http://www.new.facebook.com/topic.php?uid=9973986703&topic=14345

لو مشترك فى الفيسبوك … انشر الايفينت ده فى كل حته

http://www.new.facebook.com/event.php?eid=41667306412

يا ريت نقدر كلنا نروح عند النائب العام يومى 20 و 21 سبتمبر

فيه اتنين مننا غاليين علينا جدا ..يا ريت ما ننساهمش
محمد رفعت زميلنا اللى تم اعتقاله من يوم 23 يوليو و لغاية دلوقتى لسه ما خرجش رغم رمضان و بداية الدراسه .. و احنا مش عارفين نعمل ضغوط كافيه لإخراجه

و مسعد ابو فجر المناضل السيناوى اللى وقف مع معتقلى 6 ابريل جوا سجن برج العرب وقفه قويه جدا و كان مصدر الدعم المعنوى و العينى لكل الشباب و كان معاهم لحظه بلحظه مثل الاخ الكبير

السبت 20 سبتمبر ….ندعوكم للمشاركة في إعتصام أمام مكتب النائب العام الساعة الواحدة ظهرا حتي الساعة الرابعة عصراً للمطالبة بالإفراج عن محمد رفعت ونرجو من الجميع محاولة الحضور للضغط من أجل المسارعة بالإفراج عن محمد حتي لايفوته جزء كبير من الدراسة
و ده لينك الحدث يا ريت ننشره بسرعه قدر الامكان
http://www.new.facebook.com/inbox/#/event.php?eid=38585566210

*****************************************************************************

يتوجه في الساعة 12 ظهر الأحد (21-9-2008) وفد من المثقفين والشخصيات العامة، منهم جورج إسحق المنسق العام المساعد لحركة كفاية وممثلوا مركز هشام مبارك، إلى مكتب النائب العام للمطالبة بإطلاق سراح الروائي السيناوي مسعد أبو فجر، والمعتقل منذ 26 ديسمبر 2007، بحجة تحريض بدو سيناء على الإعتصام. وأيضاً زميله يحي سليمان الذي إعتقل بعده بشهر واحد.
ورغم صدور سبع قرارات قضائية بالإفراج عنه، اخرها بداية رمضان الحالي بعد التظلم الرابع في قرار إعتقاله من مركز هشام مبارك، إلا أن الداخلية تعيد إعتقاله في كل مرة، وتخشى أسرته ان تكرر إعتقاله بعد قرار الإفراج الأخير.
وكانت 12 منظمة حقوقية قد أصدرت بيان مشترك في فبراير الماضي أدانت فيه “إختطاف أبوفجر والملاحقات التي تتعرض لها أسرته”، وحملت الداخلية مسئولية حجزه، حينها، في عنبر الجنائيين، معتبرة أبوفجر وزميله يحي سليمان “سجينا رأي”. واعقبه بيان في مارس بيان مشترك من مركز هشام مبارك والشبكة العربية لمعلومات حقوق الإنسان طالبا فيه “بتحديد مصير الكاتب والروائي والناشط السيناوي مسعد سليمان حسن الشهير بـ«مسعد أبوفجر»
وفي 15 أبريل الماضي توجه وفد من حركة ادباء وفنانين من أجل التغيير إلى مكتب النائب العام وتقدم ببلاغ يطالب بالتحقيق في إحتجاز أبو فجر بدون مصوغ قانوني والإفراج عنه، كما نظم نشطاء من البدو إعتصامات متتابعة للمطالبة بإطلاق أبو فجر.. وعشرات المعتقلين من بدو سيناء.
انشر الايفنت بسرعه
http://www.facebook.com/event.php?eid=31954746694

عاجل.. نرجوا سرعة الانضمام لإعتصام اهالى الدويقه امام مبنى المحافظه

عاجل جدا… اهالى الدويقه معتصمين من بعد الفطار لغاية صباح الاثنين 15 رمضان.. الناس محتاجيننا نروحلهم و نقف معاهم

فى خطوه مفاجأه و مؤثره بدا عشرات الاهالى فى الاعتصام امام مبنى محافظة القاهره بحى عابدين للمطالبه بالشقق التى لم يحصل احد من المنكوبين عليها و فى نفس الوقت يزيع الاعلام الحكومى اخبار كاذبه عن تسلمهم للشقق و هم نائمون فى العراء

و قد بدا الاعتصام من بداية مساء الاحد 14 رمضان و مستمر حتى الساعات الاولى من صباح الاثنين 15 رمضان
و قد انضم لهم العديد من النشطاء السياسيين
و يطلبون دعم الشباب و النشطاء و الاعلام
نرجوا لكل من يستطيع او يسمح وقته بذلك الذهاب سريعا لمبنى المحافظه

للاستعلام
مالك مصطفى
0121340370

خالد عبد الحميد
0106114257

القعده التانيه للطلبه

لو طالب فى جامعه او مدرسه و نفسك تشارك معانا و خصوصا من خلال الجامعه
لو عايز تتعرف على باقى الطلبه الموجودين فى مجموعة 6 ابريل
روح حديقة الحريه يوم الثلاثاء أمام كوبرى قصر النيل من ناحية الاوبرا.. الساعه 8.30 مساء
ياللا علشان الجامعه هاتبدا و عايزين نشتغل

للاستعلام
مصطفى
019648148

محمود
0182841351

لجنة دعم اهالى الدويقه… ياللا شارك معانا.. كل شباب 6 ابريل مشاركين

لجنة دعم أهالي الدويقة
تكونت لجنة دعم اهالى الدويقه من عدد من المراكز الحقوقية والنشيطين والصحفيين بهدف تقديم كافة أشكال الدعم سواء العينى أو الحقوقى لأهالى منطقة الدويقة بعد الكارثة التى راح ضحيتها مئات الأشخاص وتشريد مئات الأسر.
وقد عقدت اللجنة اجتماعين تم على أثرهما تكوين أربعة لجان متخصصة لتوفير هذا الدعم وتتمثل فى الآتى:
1- لجنة المساعدات: وتقوم هذه اللجنة بجمع المساعدات العينية وتوصيلها لأهالى الدويقة.
2- لجنة الدعم القانوني: وتختص بالدفاع القانوني عن حقوق سكان المنطقة
3- لجنة إعلامية: وتقوم هذه اللجنة بتنظيم اللقاءات والمؤتمرات الصحفية وعرض القضية على المستويين المحلى والدولى.
4- لجنة الاتصال: وتقوم هذه اللجنة بالتنسيق العام سواء بين أعضاء اللجنة أو بين اللجنة وأية جهات أخرى ترغب فى التنسيق مع اللجنة لتقديم الدعم لأهالى الدويقة.

وقد تم الاتفاق على استقبال المساعدات العينية بدءا من يوم السبت الموافق 13/9/2008 وذلك بالمركز المصري لحقوق السكن القائم في 33 ش قصر النيل الدور التاسع.
تليفون وفاكس: 23922194 / 23952952

ملحوظه.. جميع  اعضاء شباب 6 ابريل مشتركون فى لجنة المساعدات سواء بتجميعها او تقديمها للاهالى أو بجمع المعلومات
و كذلك مشتركون فى اللجنه الاعلاميه لنشر الاخبار و تجهيز المؤتمرات

و سيتم إعلان مواعيد إجتماعات اللجان على الصفحه الرئيسيه للجروب و من خلال رسائل اللجنتين  الاعلاميه و العمل الجماهيرى “لشباب 6 ابريل”

للإستفسار
أحمد ماهر
0102864919

إفطار جماعى لشباب 6 ابريل .. ادخل على الايفنت و قول هتجيب ايه معاك و انت رايح

يوم الجمعه 12 رمضان هانتجمع كلنا و هانفطر مع بعض
كل واحد هايحدد يجيب ايه و هو جاى معاه
مكرونه بشاميل. رز .. خضار.. كفته .. فراخ .. شوربه.. حلوبات..مخلل..سلاطه ..عصير .. بيبسى ..عيش.. كوبايات ومعالق و مناديل
كل حاجه
عايزين كل واحد يكتب على الوول هو ممكن يشارك بإيه علشان ما بحصلش لخبطه وتكرار

و على فكره … مافيش اى كلام فى السياسه فى اليوم ده
وممكن اى حد يجيب اصحابه

المعاد يوم الجمعه 12 رمضان
بحديقة الازهر
هانتجمع الساعه 5 عند الباب الرئيسى

انشر الايفنت عند كل صحابك

http://www.new.facebook.com/group.php?gid=9973986703#/event.php?eid=26758707918

لتفاصيل اكتر
http://www.facebook.com/group.php?gid=9973986703

الاربعاء 10 رمضان.. مشاركة شباب 6 ابريل مع باقى القوى الوطنيه فى قافلة محاولة فك الحصار عن غزه

شاركوا فى قافلة فك الحصارعن غزة

تنظم “اللجنةالمصرية لفك الحصار عن غزة” قافلة الى معبر رفح تستهدف القافلة كسر الحصار المفروض علي غزة واعلان الرفض القاطع لاغلاق “معبر رفح” بين مصر و غزة لما يشكله من خنق للشعب العربي في فلسطين واحكام الحصار الصهيونى عليه .

وتأتي دعوة اللجنة المصرية لفك الحصار عن غزة كاستجابة للمبادرة التي تقدم بها النائب الدكتور حمدي حسن في رسالة نشرت على عدة مواقع .

وقد تقرر أن تنطلق القافلة بإذن الله تعالى صباح يوم الاربعاء القادم الموافق 10 رمضان من القاهرة على أن تلتقى بقوافل أخرى على الطريق تنطلق من الاسماعيلية والقنطرة والسويس.

والدعوة مفتوحة لكافة القوى الوطنية والمواطنين الراغبين فى أداء هذا الواجب الوطنى والقومى والإسلامى وليكن معلوماً أن حركتنا لن تهدأ حتى يفتح معبر رفح بإذن الله .

التجمع أمام نقابة الصحفيين بشارع عبد الخالق ثروت – القاهرة الساعة 6 صباحاً

وعلى الراغبين فى المشاركة أو المساهمة بالدعم للقافلة وللعالقين الاتصال بالأرقام التالية :

0106832876

0225327805
يشارك في القافلة مجموعة من القوى الوطنية منها: ( نشطاء وشباب اللجنة المصرية لفك الحصار عن غزة- حركة شباب 6 ابريل – بعض شباب حركة كفايه -  اتحاد شباب حزب العمل- شباب الحزب الناصري – شباب ملتقي الفكر الوطني  – ملتقي الشباب الإسلامي -شخصيات عامة وفنانين – افراد وشباب من الشعب المصري )

ملحوظة : نرحب بمشاركة الأخوة الصحفيين، والاعلاميين، وتوجد أماكن لهم.

السبت 6 سبتمبر.. كلنا مع معتقلى المحله الجدعان اللى تم اعتقالهم يوم 6 ابريل

بكرة مهم جداً

محاكمة اهالي المحلة الذين تم القبض عليهم يوم 6 ابريل الماضي واللذين منهم ناس حتي الان معتقلة في سجن برج العرب

المحاكمةغداً السبت في محكمة طنطا الساعة10صباحاً

6 ابريل دة يومنا وكمان دة اسمنا

يبقا لازم نقدم اكبر دعم ليهم

لازم نكون كتير بكرة عشان نوصلهم رسالة انهم مش لوحدهم … و كمان أهالى المحله كانوا اجدع ناس معانا جوا سجن برج العرب فى حبسة 23 يوليو.. و رغم امكانياتهم البسيطه  لكن منهم اللى اتبرع ببطانيه و منهم اللى اتبرع بكوبايه و منهم اتبرع بأكل فى اول 4 ايام كنا معزولين فيهم عن العالم

الناس دول كانوا فخورين بينا جدا  لما شافونا جوا السجن و لما اتكلمنا معاهم لقيناهم على درجة وعى عاليه جدا

لازم كل اهالي الغربية يشوفوا شباب 6 ابريل هناك

لازم اعلام مصر ترتفع يومها ويكون مكتوب جواها شباب 6 ابريل

يلا نعيد نشر الدعوة

وليكن غداً اعلان اخر عن شباب 6 ابريل

الوصايا العشر لهذا اليوم … ارجو الاهتمام.

1- الدعوة في المدونات والفيس بوك والمجموعات البريدية وكل وسائل الدعوة الممكنة.

2- ان نذهب جميعاً في مجموعات صغيرة وكل مجموعة لاتزيد عن ثلاث او اربع افراد علي الاكثر حتي نضمن عدم المنع في الطريق.

3- الذهاب بطرق مختلفة بوسائل مختلفة ” القطار- المكروباص- عربات ملاكي-….الخ”

4- مكان التجمع امام المحكمة مباشرة في تمام الساعة العاشرة صباحاً ولا يحدد اي مكان اخر لاي تجمع.

5- الانصراف بعد انتهاء اليوم بنفس الطريقة ولا يتم تجميع مجموعتين علي بعض باي حال من الاحوال وبمجرد انتهاء الفاعلية يتم التفرق كمجموعات صغيرة دون انتظار اي حد اخر.

6-تجهيز اعلام مصر كثيرة تحمل اسم شباب 6 ابريل عليها اذا امكن.

7-لافتات باسم شباب 6 ابريل للتضامن مع المعتقلين.

8-الهتافات تتركز حول المعتقلين وحول 6 ابريل وحول فكرة العصيان المدني
مثلاً” العصيان المدني طريقنا ناخد بية كل حقوقنا – مطلب كل المصريين الافراج عن المعتقلين”

9-تجهيز بيان باسم شباب 6 ابريل للتوزيع في هذا اليوم به وسيلة التصال بنا لسهولة التواصل.

10-الالتزام بقرارات مسئول اليوم مهما حدث ولنقوم بمحاسبة بعضنا فيما بعد.

ملحوظة: مسئول اليوم محمود الشتاوي 0109335213

ااوعى يفوتك يم 23 يوليو فى اسكندريه .. بداية رحلة شباب 6 ابريل فى كل اقاليم مصر

هانتجمع يوم 23 يوليو فى اسكندريه
الساعه 12 الظهر
فى مقر حزب الغد

مطالبنا معروفه فى اليوم ده
1- المطالبه بالافراج عن سجناء الرأى

مسعد ابو فجر الروائى السيناوى و مؤسس حركة ودنا نعيش

د/ممدوح المنير .. المصور الذى فضح تجاوزات الامن بكاميراته و التقط صور لجنود الامن يقومون بعمليات تخريب فى المحله .. أخر معتقلى 6 ابريل

د/ ايمن نور .. سجين الحريه الذى ضحى بكل ما يملك من اجل فكره

معتقلى الاخوان و مسجونى المحاكمات العسكريه الباطله

2- عايزين نعرف ايه مشاكل اسكندريه … عايزين نتضامن مع قضايا ابناء اسكندريه

3- اليوم ده هايكون نلم شملنا و نقعد مع اخواتنا اعضاء شباب 6 ابريل الاسكندرانيه
نتكلم و نتناقش و نتعرف على بعض
و تكون بدايه لرحلة شباب 6 ابريل فى كل محافظات مصر

حزب الغد مشكور هايستضيفنا اليوم ده
هانتجمع هناك الساعه 12.30
هانتعرف و نتكلم و نتناقش
و بعدين نعمل شوية فاعليات خفيفه و لذيذه

اوعى يفوتك اليوم ده

موعدنا يوم الاثنين 30 يونيو مع اهالى عزبة ابو رجيله بجسر السويس

كان يوم المؤتمر هو اعلان عن حركه شبابيه شعبيه جديده
تتواصل مع الناس و ترفض حوارات الغرف المغلقه
حركه يوجه خطابها الرئيسى للناس لإفاقتهم من غيبوبة 27 سنه
حركه لا تشغل نفسها بالصراعات الحزبيه و الخلافات الايدلوجيه أو العقائديه
حركه تتقبل الأخر أيا كان .. و تقبل العمل مع جميع التيارات الوطنيه طالما فى نفس الهدف و هو افاقة هذا الشعب و دفعه للمطالبه بحقوقه المسلوبه

تحدثنا كثيرا عن الاهداف و التحركات

هدفنا هو الوصول للناس و التواصل معهم و مساعدتهم فى حل مشاكلهم و زرع الايجابيه فى نفوسهم و قتل الخوف المتراكم
هدفنا هو مواطن واعى يطالب بحقوقه ولا يظل سنوات نائم فى انتظار الفرج

وسائلنا كثيره و متعدده و متنوعه و مبتكره

اولها غدا
التضامن مع اسر تعيش فى حياة من القرن الماضى
5000 اسره تعيش فى عشش من الخشب
لا يحلمون سوى بالعيش فى سلام
ترفض الحكومه توطينهم فى مساكن اخرى رغم ان ذلك من ابسط حقوق الانسان و رغم ان ذلك قانونى نظرا لأنهم يعيشون على تلك الارض من 25 عاما
قابلت اليوم بعض من هؤلاء الأهالى
كدت ان أبكى دمعا و انا استمع لرواياتهم
لا يطلبون سوى العيش فى اى مكان
إما فى مساكن
أو يتركوهم لعششهم الغير آدميه وسط القمامه و الحشرات

و لكن غدا هو موعدهم مع جرافات الهدم
يستغيث الاهالى بكافة المنظمات الحقوقيه و بشباب مصر الحر
كونوا معنا غدا فى عزبة عرب ابورجيله بجوار السكه الحديد بجسر السويس

تجمعنا غدا فى التاسعه صباحا بجوار حديقة بدر بشارع جسر السويس

مهمتنا بكره فى الاساس هو التعرف على الناس دى

و الاستماع اليهم
و تصويرهم و نشر قضيتهم
الناس دى عايشه فى حياه لا يمكن لأى انسان انه يتخيلها
لا يمكن
و بكره اللى هايروح هايصدم من الحياه البدائيه المأساويه الموجوده
لازم نسمعهم
و نعرفهم احنا مين
و نكلمهم و نفهمهم مين سبب مشكلتهم
و ازاى نقدر نساعدهم

مهمتنا بكره كبيره مش قليله

ملحوظه اخيره
من يوافق على الاهداف المكتوبه بالأعلى فيزيدنا بخبراته و يثرينا بإقتراحاته
و من يرفض افكارنا و يرى أننامخطئون … فليتركنا نعمل فى سلام

توبيك التنظيم على الجروب

http://www.facebook.com/group.php?gid=9973986703&ref=ts#/topic.php?uid=9973986703&topic=12153

خريطة المكان